هو ازاي نتعايش مع حد مش بيدينا من وقته ، طول الوقت بيتنمر ع شكلي وع كل حاجه خاصة بيا في سبيل هزار ولما باخد موقف بيبقى الرد خلاص مش ههزر معاكي تاني ويرجع يكررها ويتبقى اوقات قدام أهله ، ومد ايده عليا ٣ مرات بدوافع غريبة ، ومش بيساعدني في انه يشيل الطفل اللي بينا شويه عني بالعكس ، ومعتبر نفسه ATM بس ، برغم إن اصلا معظم فلوسه لأهله وأهله مش بيبقوا عايزينه يصرف ع بنته ويستكتروا أي حاجه عليها ، مابسمعش حقيقي كلمة حلوة ولا حركة لطيفة ، حتى بقى بينام في اوضة لوحده عشان البنت مابتنامش ولو نامت بتصحى كذا مرة وهو بيبقى عايز يركز لشغله ، مفيش حقيقي أي حاجه ليا ولما بعاتب بيقولي ان كل حاجه حلوه هو بيعملها يحطها في كيس مقطوع ،، هو مش بيخوني وهو شخص عملي اكتر من انه عاطفي ، وعقلاني جدا بس للاسف نرجسي برضو وعنده مهارة قلب الترابيزة بإقناع ، بس له مميزات برضو صراحة كتير وطول الوقت بحاول اوضحله ده بس هو مش مقتنع .. وبقيت حاسه اني لوحدي وفي ضغط نفسي وعصبي طول الوقت .

5

8