أبوي شايفني فاشل عشان لسه متجوزتش رغم الترقيات

Question

لما رحت اشتغلت في شركه خدمه عملاء وترقيت مرتين في خلال أربع سنين. قلت لابويا على الترقيه الثانيه عشان افرحه قال لي إيه لازمه الترقيه طالما أن أنت مش عارف ترتبط بواحده وتخليها تحبك عشان تتجوزها وتبقى زي بقيه الناس التانيين؟! وبعدها باسبوع قال لي أن أنت ما فيش حاجه عدله عملتها في حياتك لمجرد أن أنا لسه ما اتجوزتش او ارتبطت

Orange_63919 🇪🇬 · Accepted Answer

واجهه و قفه عند حده وخليك قوي
فهمه ان دا مسار ودا مسار
وان نجاح الشخص في الحياة العملية مالوش علاقة بالحياة الاجتماعية
وان الارتباط او الجواز مش نجاح او انجاز دي حاجة طبيعية الناس بتعملها بالفطرة

وارضى بنفسك زي مانت

Banana_62165 🇪🇬 · Answer

ياعم عادى فى ناس كده ابويا نفس الوضع مهما عملت حاجات وكنت ناجح بيفضل يقول انت مش فاهم ولا عارف حاجة  طالما انت حاسس انك كويس وتمام متشغلش بالك باللى بيتقال والحب مش انجاز الشغل حاجة والعلاقات الاجتماعية حاجة تانى

Apple_62681 🇪🇬 · Answer

قوله وانا ادبس نفسي في مصاريفها واعيش زيك؟ .. بص هدومك عامله ازاي ولا مستلف كام من مين .. عايرو زي م بيعايرك ... ولو لزم الامر سيبله البيت واجر مكان لوحدك

Lemon_57865 🇪🇬 · Answer

انت لازم تشوف نفسك ناجح لان انت فعلا كده بس هو مهما كان ابوك و له عليك حق حتي لو هو شخصيته صعبه او تفكيره قديم حاول ديما متتاثرش بكلامه من الناحيه دي و اسمع من هنا و طلع من هنا وربنا يهديه

Tofu_64944 🇪🇬 · Answer

عيب اكيد مهما كان ابوه مينفعش يقوله كده

Pear_66847 🇪🇬 · Answer

لا ازاى هيقوف ويواجه ابوه وبقوه لا طبعا مش حل مكن يفهمو براحه لاكن قوه  وقفه لا طبعا غلط جدا الهجوم فى اى شئ حاجه غلط جدا

Pear_66847 🇪🇬 · Answer

ازاى واحد داخل يحكى مشكله مضيقاه تعصيه على باباه اللى رباه وكبرو ممكن باباها دا راجل كبير ودماغو كدا محدش بيختار اهلو  وهو فى الاول وللاخر نفسو يفرح ييه مش بيقولو روح اعمل حاجه حرام بابله مش صح بس مش هنخليه يعمل حاه تغضب ربنا ويعصي ابوه

Orange_67483 🇪🇬 · Answer

ما فيش حد بيحب لك الخير اكثر من ابوك بمنتهى البساطه حاول تفهم منه اكثر هو شايفك ناجح في الشغل لان امكانياتك سعادتك وهو اللي هو وجهه نظر في ابنه ويجب ان تحترم بس انت حاول تتفهم وتقرب منه هتلاقي الموضوع افضل