الاكتئاب بيجهد الإنسان لحد ما بيكسر فيه حاجات كان فاكرها عمرها ما هتتكسر، بيخليه يشوف نفسه ضعيف، مش لأنه فعلاً كده، بس لأنه تعب من كتر المحاولات اللي مفيش نتيجه وراها. بيصحى كل يوم وهو مش عايز يصحى، بيتمنى الليل يطول أكتر عشان ميواجهش اليوم، وبيحس إن وجوده بقى تقيل حتى على نفسه. وبيجي وقت بيبطل يحاول، لا عشان استسلم، بس عشان خلص ما بقالوش طاقه يحارب تاني، بيسكت... وبيسيب الأيام تعدي كأنها مش ليه، كأنها بتعدي على حد تاني مش هو. وفي الآخر، بيتعود على الفراغ... على البرد اللي جواه... وبيعيش كده، تايه، من غير ما يعرف هو لسه حي ولا خلاص انتهى من جوه من زمان.

2

1