بكره كسلي ومعرفش اذاكر رغم حبي للفيزياء!

Question

هكون صريحه ان اكتر حاجه بكرها عن نفسي هي الكسل  عايزه اذاكر حاجات كتير لكن هل انا ببدأ؟ ساعات بس مش بكمل وساعات مش ببدأ اصلا مع اني بكون مستمتعه لاني بحب اذاكر وافهم مواد زي الفيزياء والكيمياء بس مشكلتي اني بحب افهم الحاجه واحللها من مليون شكل وطريقه ودا بيخليني مش قادره اركز على الي بذاكره وعقبال ما احلل صفحه وافهمها واجاوب على المليون سؤال بتوعي عن كل كلمه في الموضوع بشكل كامل يكون فاتت ثلاث ساعات او اكثر فا بيجيني احباط كدا وتبلد وكسل وارمي الكتب واروح اشوف ريلز خمس ساعات كدا واكون نسيت الصفحه الي ذاكرتها لول
ذاكرتي بقت سيئه ودي علامات ال Brian rot 
وبرضوا من الكسل وقفت وحده من اكثر الهوايات الي كنت بحبها القرائه انا ممكن اقرأ كتاب كامل في قعده وحده لكن دلوقتي حتي مش بقرب ناحيه كتبي لغايت ما لمت تراب

Corn_60768 🇪🇬 · Answer

انا كمان عندي نفس المشكله ومش عارف احلها لغايه دلوقتي

Blueberry_60775 🇪🇬 · Answer

يمكن حلها بس أننا نبتعد عن الشاشات انا كنت في مؤتمر ممنوع فيه الهواتف وقريت حوالي ١٥٠ صفحه في يومين من كتاب كان مرمي عندي شهور بس مش هنكر صعوبه اني اترك الشاشات برغبتي

Corn_60768 🇪🇬 · Answer

ما هي دي المشكله احنا اتعلقنا بالتلفونات والسوشيال لدرجه انتا مش قادرين نتحكم فيها

Apple_59722 🇪🇬 · Answer

البتقوليه ده ممكن يكون من الضغط والتفكير الزائد كمان في اعراض وسواس قهري وكما زي مقولت فرط تفكير طيب لازم بدل م تفكري كتير خدي فكره واحده بس واعمليها فقط من غير تفكير كتير إما الكسل ف لازم تحطي لنفسك خوف أو حافز عشان تقومي ومتنسيش تبقي رحيمه بنفسك ووحده وحده عليها كوني رحيمه بذاتك

Blueberry_60775 🇪🇬 · Answer

مش وسواس قهري وانا مش من النوع الي بحب انط بفرضيات من دلائل ودوافع كافيه مش بس استنتاج استقرائي  هو انا نسبيا بظن بمعرفتي بحالتي وكل تصرفاتي ممكن يكون عندي Overthinking-Burnout Loop لكنها مش بحد ذاتها مشكله لاني مرتاحه مع ال " Overthinking " بتاعي الا ان المشكله اني بسبب تعفن الدماغ بحس بملل وارهاق عقلي بسرعه وبيجيلي صداع متواصل لساعات ومش بيروح

Pineapple_40254 🇪🇬 · Answer

ده تقريبا ADHD روحى لدكتوره نفسيه واحكيلها الاعراض اللى عندك وهتساعدك

Blueberry_60775 🇪🇬 · Answer

معلش في اللفظ بس دا افتراض غبي او خلينا نقول مش منطقي لاني اقدر اركز في موضوع واحد واقرا كتب بدون تشتت خارجي زي الي عندهم اضطراب فرط الحركه انا اقدر اركز لكن لما اكون عايزه افهم الموضوع بجد واني برغبتي رايحه اذاكر او اقرا بقعد في سلسله من الافكار التحليليه والاسئله التفصيليه عن كل نقطه او كلمه في الموضوع وممكن استمر في الحلقه دي ممكن لساعتين تلاته لغايت ما اتعب لكن لو مذاكره عاديه عادي

Blueberry_60775 🇪🇬 · Answer

وكمان بذكري اني في الماضي كنت اقدر اقرأ كتاب في قعده وحده دا برضوا عنصر مضاد لافتراضيه اصابتي بال ADHD لانه كحاله غير مكتسبه اني مقدرش اصاب فيها مع مرور الوقت لان الي عنده هو بيتشخص فيها من الطفوله

Pineapple_40254 🇪🇬 · Answer

انتى فاهمه فرط الحركة وتشتت الانتباه غلط مش شرط قله تركيز 
روحى بس لدكتوره نفسيه تساعدك وهتعرفى عندك ايه

Banana_60756 🇺🇸 · Answer

حاولي علي قد ما تقدري تسيبي التليفون خالص تمسحي كل حاجه بتشغلك عليه أو تديه لحد خارج البيت لحد ما تخلصي مزاكره لما تعملي كده لما تزهقي من المزاكره مش هتلاقي حاجه تانيه تعمليها غير انك ممكن تشربي حاجه وترجعي تزاكري تاني..انا عارفه ف الاول هتحسي أن الوقت تقيل ومش بيعدي بس ده حاجه ممكن تكون كويسه انك تزاكري اكتر

Blueberry_60775 🇪🇬 · Answer

اها انتي متمسكه بالفكره عشان قلت اني بنسى للي ذاكرته وهو امر طبيعي لاني بعد ما بتفرج مثلا ل ٤ ساعات متواصله مخي مش هيستوعب كل المعلومات دي وهنسى بعضهم خاصتا مع التعرض الطويل للمحتوى السريع الا اني في الماضي مكنتش بنسى ابدا لدرجه اني مكنتش بذاكر وبحل وبقفل فقط من تذكري للشرح والفهم