يااااه أنا مفتقدة زمان وحياتي القديمة!

Question

يااااه انا مفتقده حاجات كتير اولهم ان انا زمان كنت بنام وانا دماغي مش بتفكر في مليون حاجه ثانيا صحابي كانو سالكين بمعني الكلمة عمري ما هعرف اعمل زيهم تاني ثالثا بق الاهل الاهتمام الي بيبقي ليكي وانتي صغيره غير لما تكبري ويبقي عندك اخ واخت الاهتمام بيقل مع الوقت ودي.حاجه مش حلوه خالص رابعا بقي الحياه كانت اسهل بكتير زمان كانت كل حاجه حلوه وتحبي تعشيها زمان كنا مش بنحب ننام بدري دلوقتي بنام بدري علشان منفكرش كتير كل حاجه زمان فعلا مفتقداها ولو الاقي الي يرجعني زمان لو يوم واحد هديلو عمري كلو بس ارجع ولو يوم

Pear_68049 🇪🇬 · Answer

دى طبيعة الحياه ولازم نتقبلها برضانا او غصب عننا 
وكل فتره فيها الحلو والوحش ولازم نستوعب كده 
انا ذيك بس بحاول اتاقلم واشوف الحلو واتعامل مع الوحش وكله بيعدى

Mango_34757 🇪🇬 · Answer

انا مش بعرف اعمل كده ونفسي بجد ابقي كده

Olive_68469 🇪🇬 · Answer

والله كلنا زيك كده وبنتمني نرجع لأيام كنا فيها مش حاملين هم حاجه بس ده صعب ان اللي راح يرجع تاني بس إللي ممكن نلحقه أننا نهتم بنفسنا شويه لأننا مابنحسش الاحاسيس دي إلا إذا كنا نسينا نفسنا و جينا عليها وظلمناها واهتمينا باللي حوالينا اكتر من نفسنا ف نقدر تقول إن اللي بيحصلنا دلوقتي هو عتاب نفوسنا لينا وتنبيه اننا لازم نقعد مع نفسنا ونصالحها ونعوضها كل اللي حرمناها منه وظلمناها فيه

Mango_34757 🇪🇬 · Answer

انا فعلا بعمل كده انا ممكن ابقي هموت من الخناقه ومحتاجه حد.بسس يقعد معايا يسمعني ويطمني والاقي اي حد في مشكله او بحس انو مدايق افضل معاه لحد ما يبقي كويس الغريبه ان بعد ما بيبقي كويس بتنسي اصلا وهو بيكمل حياته عادي

Pear_68049 🇪🇬 · Answer

دى طبيعة الحياه بصى اقولك حاولى تشوفى ظروف اللى حواليكى ناس مرت بتجارب صعبه اقري رويات او اسمعيها وتابعى كريم الشاذلي فرق معايا كتير 
حاولى تعودى نفسك ع المسؤليه وحطى اهداف صغيره وحاولى تشوفى الحلو ف التجربه وافتكرى كلمة السر ف الرحله

Olive_68469 🇪🇬 · Answer

ماهو ده اللي بنقول عليه أن الواحد مايظلمش نفسه لأنها تستاهل اني اهتم بيها عشان نفسي متقلبش عليا ونوصل لحاله مابنعرفش نعمل إيه وياريت نلاقي حد يحس بينا...اللجوء والكلام مع ربنا حلو اوي وبيريح كتير

Chocolate_65230 🇪🇬 · Answer

ممكن نتكلم طيب

Mango_34757 🇪🇬 · Answer

هنتكلم في اي