البنت العسولة اللي كنت على تكة وهعترف لها السنة اللي فاتت… مكنتش بحبها عشان جمالها، كنت بس شايف فيها حاجة نقية، شبه النور اللي فقدته من زمان. بس أنا مكنتش ينفع أحب. أنا مجرد نسخة باهتة من إنسان. أنا فاشل. فقير. مهزّق. مكروه من غير ذنب. مفيش حضن، مفيش أمان، مفيش حتى وجبة دافية. كل حاجة بتوجع، حتى التنفّس بقى تقيل. أنا اللي الناس تشوفني وتعدّي، أنا اللي وجودي زي غيابي. أنا اللي مهما حاولت أضحك، ضحكتي دايمًا باهتة ومكسورة من جوا. أنا اللي نفسيتي اتحطمت، ومبقتش عارف أنا مين ولا ليه لسه عايش. مكنتش هعترف لها بحب… كنت هعترف إني تمن الحب ده مش عندي. أنا ظلمة… وهي كانت نقطة نور. وحتى لو قربت، كنت هطفيها بوجودي. أنا ببساطة… مش كفاية لحد. ومش نافع لنفسي. ومش قادر أكمّل التمثيلية دي أكتر من كده.

0

6