ندمت على ضرب محمد في الابتدائي وبدي أعتذر

Question

وانا عندي ٨ سنين كنت في رابعة ابتدائى كنت بنت متفوقة وهادية ولطيفة وذكية وشخصيتي قوية و كان في ولد اسمه محمد اسمراني وهادي ولطيف بس مكنش علي مستوي ذكائي في الدراسة وكمان كنت بكرَه الولاد وانطوائية جدا 
المهم كان في حد بيحطلي جوابات علي مكاني في الفصل وقت البريك  وكان خطه بشع بصراحة قعدت فترة لحد ما عرفت مين هو ومخدتش رد فعل لحد ما في مرة مسكته اديتله علقة محترمة خرشمته لأننا ملناش في الكلام الماسخ دا فمستر الانجلش ربنا يديله الصحة قالي انتي بتضربيه ليه 
تغاضيت عن كل حاجة قولتله عشان اسوِد!
وعاوزة اعتذر لمحمد بجد عشان حاسة اللي بيحصلي دلوقتي وعيشتي الحزينة  دي بسبب اني جرحت مشاعره

Mango_56345 🇪🇬 · Accepted Answer

هو الصراحه الموضوع مضحك اكتر م هو مؤثر بس صدقيني احنا لما بنبقي اطفال ونكبر مبناخدش اللي اتقالنا واحنا صغيرين علي انه جد بالذات انك قولتي انه هادي وحكيم وهتلاقيه نسي اصلا ولو منساش ف هو ذات نفسه اكيد عارف انك ضربتيه عشان موضوع الجوابات دا، عيشتك الحزينه دي مجرد ابتلاء عشان ربنا ببحبك لكن لو ربنا غضبان منك مش هيردهالك في الدنيا دا غير انك كنتي طفله ف مش محسوب عليكي اللي عملتيه

Biscuit_57097 🇪🇬 · Answer

الطفل ببقا لسه علا نياتو وي كل دي طفوله عاديه بتحصل عادي وي دا عمرو ما يكون سبب في عيشتك الوقتي

Mango_55662 🇪🇬 · Answer

و بعد ما بعتلها جواب. عينك ما تشوف الا النور  خت علقه كرهت البشر بعدها 😂

Carrot_30308 🇪🇬 · Answer

علشان اسود ✨
اي الشر دهه 😂