Topic: ايه تجربتك مع أصحاب السوء ؟

درست سنة بتركيا، و خلال وجودي هونيك تعرفت على بنتين عرب من جنسية معينة، سكنوا معي لمدة شهر واحد بس، بقدر احكي انه كان اسوأ شهر مر علي اطلاقاً، كانوا وسخين و قذرين و اكتشفت انهم كانوا يشربوا بالبيت بالوقت اللي انا بكون فيه بالجامعة، بس الطامة الكبرى كانت انهم كانوا ملحدين، و كانت وحدة فيهم حافظة ١٥ جزء من القرآن الكريم، كانت بتتمشى بالبيت و تقرأ قرآن بصوت عالي بس بطريقة ما كانت مريحة بالمرة، كانت مرعبة، و كانوا دايماً بيحاولوا يناقشوني بأمور الدين و يثبتولي انه مافي اله (استغفر الله العظيم) حتى لما كنت بعصب و بحكيلهم خلاص لا تناقشوني وانه انا ما بدي احكي بهيك موضوع كانوا يتخانقوا معي و يسبوا الدين و الرسول (استغفر الله العظيم) و كنت كل ما بطردهم بيحكولي عطينا يومين بس نضب اغراضنا و ننتقل و اليومين يقلبوا ثلاثة و اربعة و اسبوع، لحد ما قلتلهم معاكم ساعتين تضبوا اغراضكم و تنقلعوا ولا راح اتصل بالشرطة، دخلت غرفتي و سكرت الباب و بعد ساعتين سمعتهم طالعين فطلعت من الغرفة و اتفاجأت انهم مغرقين البيت ماي، حرفياً البيت كله ماي السجاد و الكنب و الاثاث، و سارقين بنطلون و جاكيت و فلوس و اواني مطبخ، حرفياً لاعنين ابو خير البيت، حسبي الله و نعم الوكيل، عدت ٣ سنوات على هالحادثة بس احس لهلأ مش قادرة اتخطى

8

2