صحبتي الاقرب بقت بتخبي عني وعايزه ابعد من غير حساسيه

Q: صاحبتي متملكة ومش عارفة أتصرف معاها!

في واحده صاحبتي انا وهي صحاب بقالنا سنين بس هي شخصيتها متملكه اوي وغيورة يعني اللي انتِ صاحبتي أنا وبس و حصل مشاكل بيني انا وواحده صاحبتي تانيه بسببها وكده جت لما البنت دي بعدت عني بقت كويسه وكده وانا واختها صحاب فاا لقيت اختها بتقولي انها مابقتش قادره تستحمل طريقتها وكده وانا قعدت احسن من صورتها قدام اختها واقولها هي تعبانه ومتأثرة من م*وت والدكوا وكده المهم انها لما عرفت اني كلمت اختها عملت حوار من لا حوار وانا قعدت اتأسف كتير مع ان ده مش طبعي وعذرتها بردو المهم جت هي عملت حركه هي عارفه اني بكرها وجت قالتلي آسفه لما زعقت وكده وكانت بتقولها كأنها واجب ولما قولتلها اعمل بيها ايه قلبت الترابيزة وقالتلي اني لما بقولها اسفه من اول مره بتعدي الحوار واتقمصت وكده المهم ان من كام يوم قبل ما ابدأ إمتحانات كنت مضغوطه وكده معرفش ايه اللي حصل لا اتخانقنا ولا اي حاجة كل اللي حصل انها بتقولي انتِ مش شايفه طريقتك قولتها لا قالتلي بجد لسه هتتناقش قولتها اني ماشيه حالياً انا بجد مابقتش قادرة استحمل ووالدي بيقولي ماتبعديش عنها وفي نفس الوقت والدتي بتقولي استني شويه وشوفي انتِ عايزة تعملي ايه عشان العصبيه ماتبوظش الدنيا

Q: مسدقت من صحابي وبقيت بخاف أزعلها - 17 سنه ومتعبه

عارفين شعور انـك مسدقت يبقاا عندك صحااب اولا ڪدا ف تالته ثانوي عندي 17سنه مش هقول ڪنت متوحده والڪلام الأهبل دا لا بس ڪل الحوار انهم ڪانوا صحاب مصالح وڪدا لحد تانيه ثانوي اتعرفت نن وواحده وبقيناا صحاب جاامد بقيت بخاف ع زعلهاا بقيت بعمل ايي حاجه علشون افرحهاا قولتلهاا بتمني منخسرش بعض ابداا وبدات تتغير وطريقه ڪلامهاا لو متخانقين جاامد وهيي مثلا اللي غلطانه تلقح علياا ف الاستيت بس مبتڪلمنيش فاهمين لحد م ادخل اگلمهاا ونتصالح وتقولي نتي مش مهتمه نتي مش عارفه اي وتزعقليي احيانا ف الشارا قدام صحابهاا معرفش بتبقاا عاوزه تقل منيي ولا متعصبه بس بزعل اووي والله ومن اربع ايام انخانقناا وزعقتلي ومن يومهاا مگلمتنيش مع انهاا هيي اللي غلطانه مش عاارفه بجد ابعد ولا ايي مع العلم انها مرتبطه ب ابن عميي وگل م يتخانقوا تدخل تقولي منك لله ربناا يخدك 🙂 مش بزعل والله بس قولتلهاا قبل كدا نو احناا ممڪن نخسر بعض بسببه قالتلي لأ وبجد طريقتهاا وحشه معايا الفتره دي ونن اللي بصالح عمرهاا م صلحتني غير لما ادخل اعاتبهاا ابعد عنهاا ولا علشةن نا تعبت والله العظيم ومش مستحملن اڪتر من ڪدا بجد

Nutella_52596 🇪🇬

منذ يومين

شعور Alone

ازيكوا يجماعه صحبتي اقرب واحده ليا كنا حرفيا مش بنقفل مع بعض غير علي النوم وكل أسراري معاها اكنها اختي واكتر وهي برضو المهم دخلت بينا واحده تالته وبقوا صحاب اوي الاتنين وبقيت بتحكيلها وبقيت بتخبي عني حاجات كتير علي عكس اني مازلت لسه بحكلها يومي بالتفاصيل بس بحس انها مش مهتمه زي الاول زي ما بتبقي مهمته وهيا بتسمعها ده غير أن التانيه كذا مره احس انها بتحاول توقع ما بينا وهي بتتكلم معايا بقيت احس اني حطاها في مكانه هي ماتستاهلاش فكرت ابعد عنها بس معرفش لاني اخدت عليا ويعتبر بقيت جزء من يومي وده غير أن هما معايا في نفس الشغل بس الموضوع بجد بقي مسببلي اذي نفسي وعايزه ابعد ومش عارفه هل ده عادي وانا اللي اوفر ولا ايه قولولي طريقه ابعد بيها من غير ما يكون في حساسيه ما بينا لأننا في شغل واحد