أنا ألحدت! عدت عليا فترة كانت من أصعب فترات حياتي وكنت ع الحافة حرفيا... خطوات بيني وبين الإلحاد كانت بتدور ف دماغي أسئلة زي هو فعلا ربنا موجود؟ هو احنا فعلا هنرجع تاني بعد ما نموت؟ طب اي الفايدة م الحياة؟ هو فعلا الإسلام هو الدين الصحيح؟ ـ أنا عاوز أقول يا جماعة إنه دي مش أسئلة عيب ولا غلط بل بالعكس احنا لازم نسأل الأسئلة دي وإن كانت ف سياق الشك! (استني اسمعني للآخر ومتهاجمنيش) العيب إنك تسأل السؤال وتفضل كاتمه جواك وسايب نفسك للشيطان... أقسم بالله هتتدمر لو عملت كده... هتلاقي نفسك بدأت تشك في كل اللي حواليك وفي مفاهيم أساسية زي الصح والغلط... هتبدأ تمشّي الصح والغلط علي مزاجك ـ طب أنا المفروض أعمل ايه؟ لما ربنا أمر الخلق ف القرآن ف أكتر من موضع ب"التفكر" ليه مبنعملش كده؟ اومال ربنا ميزنا بالعقل عن البهايم ليه!! بجد ليه محاولتش تبحث وتناقش أهل العلم على أرض الواقع أو حتى في مراكز مختصة اونلاين يجدعان مفيش حاجة اسمها (صح و غلط) فيه حاجة اسمها (صح أو غلط) يا أبيض يا أسود مفيش حاجة ف النص ابدأ الخطوة في البحث عن الحقيقة... إنسان بلا معرفة راسخة بقيمة وجوده في الكون= ميستاهلش لقب إنسان. واتفضلوا أول هدية مني لحبايبي تبدأوا بيها طريق البحث عن الحقيقة https://youtu.be/Ak_73YTd2Xo?feature=shared أنا مش عارف اللينك هيفتح ولا لا لكن عموما اسم الفيديو ع يوتيوب ( هل الله موجود؟ Does God Exist للدكتور الباحث هيثم طلعت ) أنا كتبت دا لأني لاحظت إنه في شباب كتير اوي هنا بيكتبوا إنهم بيجيلهم شكوك وكدا

2

4