ازاي أطلب من خطيبي يغير حاجات بتضايقني من غير ما أجرحه؟

Q: حدودك واضحة.. حياتك أسهل!

بمناسبه اليوم وتفاصيله الى يارب تخلص عشان مبقتش حملها صراحه حاولو تخلو في حدود بينكم وبين اي حد ف نقطه معينه اي انسان يوصل ليها وقفوه عند حده لان مع كتر انك تسيبها مفتوحه لفلان وفلان انت حقوقك وحياتك هتلاقيها بقت مداسه حرفيا كل واحد بتتعامل معاه لازم يكون في حد معين يوصل ليه ف التعامل بتهزر مع حد لازم يكون فيه حدود ف الهزار والكلام سواء قرايبك صحابك حتى اخواتك واهلك بجد وف نفس الوقت تكون بتحترم الحدود الى الناس بتحطها لحياتها بلاش فضولك يحركك ومتتهاوتش وهتلاقي لو عملت كدا ناس بتقول ان مكبر الحوار لكن لأ انت سعتها هتكون صح وهتحترم من الكبير والصغير انت كدا بتحافظ ع حياتك ونفسك وصراحه كان نفسي اعمل كدا من زمان يعنى من حوالى 6 سنين مثلا كان زمان الحياه افضل وكل م بتتأخر هتعانى مع الناس ف كل م تكون حدودك واضحه هيكون افضل ليك ولنفسك

Q: التجاهل حلو أوي.. ونصيحة مني ليك ♥️

فعلا لازم نبعد عن الناس المؤذيين اللي حوالينا لأنهم بيدمروا حياتنا .. اتفق معاكي تماماً

Q: خايف أتصرف بعنف بعد ما شوفت حاجات مش كويسة في موبايل ماما

من فترة أنا أتكلمت هنا قبل كدا اني جالي القضول افتش في موبايل ماما و لقيت حاجات مش كويسة و لما دورت اكتر لقيت أنها بتكلم كذا حد كدا و حاولت اتكلم هنا محدش فادني و مش عارف اعمل ايه او اتصرف إزاي ناحيتها فا لو حد عنده خبرة بحاجة زي دي او عدي بموقف مشابه يكلمني استفيد منه او يجنبني اخطاء عملها ... انا خايف اتصرف بعنف ررررررررررررررررررررررر

Question

لو خطيبي فيه حاجات شكليا مبتريحنيش
يعني مثلا طريقه لبسه والطريقة اللي بياكل بيها وحاجات تخص النضافة الشخصية عموما

ازاي اخليه يصلحها من غير ما اجرحه او ادايقه ف حاجة؟

Banana_35773 🇪🇬 · Accepted Answer

الطبع غلاب…
من شب على شيئ شاب عليه

ولو حصل وعرفتي إلى حد ما تلفتي نظرة بطريقة ما
عن الحاجات  اللي انت شيفاها دي
 احتمال ياخد  باله يومين تلاتة وهيرجع زي ما كان تاني عادي جداً ولا كأنه في حاجة (بتكلم عن النظافة طبعاً)

النصيحة:
- يا ريت نختار ناس شبهنا علشان منتعبش بعدين
دي حياة كاملة مش مجرد وقت لطيف بتقضوه مع بعض

Potato_26031 🇪🇬 · Answer

اعتقد ان دي حاجات مش هتعرفي تصليحها ، الإنسان طلاما اتعود و اتربي علي حاجة صعب اوي يغيريها، فا كويس ان الحاجات دي ظهرتلك قبل الجواز علشان تلحقي تفكري كويس

Chilli_32659 🇪🇬 · Answer

النظافه الشخصيه كفيله انها تنهي علاقه انا متفهم انك مش عايزه تخسريه بس لو العلاقه اتطورت لجواز هتكرهي عشتك حرفيا بصي اتشجعي وخدي الخطوه وشوفي طريقه مهذبه تكلميه بيها متقبلش ده بصدر رحم يبقا هو مش هيتغير وساعتها انا من رأي متغصبيش علي نفسك حاجه انتي مش مرتاحه فيها

Ice Cream_51334 🇪🇬 · Answer

طريقه اللبس عادي بتتغير لكن النظافه الشخصية طبع مبيتغيرش وبلاش تاخدي حد مش نظيف في نفسه

Cherry_20253 🇪🇬 · Answer

بصي يا قمر، الأول لازم يكون بينكم حب وقرب، تاني حاجة لازم تخليه يشوف نفسه حلو اوي لما يكون نظيف اكتر، يلبس شيك، احنا الراجالة بنحب كل حاجة بالراحة والهدوء. 
طب هتبقي قمر يا حبيبي لما تلبس كده، وكده يعني
وربنا يباركلكم وتتجوز وتعيشو بسلام

Coffee_32018 🇪🇬 · Answer

ولما راجل يصاحبي بتقولها يقمر ليه

Apple_4481 🇪🇬 · Answer

لا هي نقطه النضافة الشخصية مش وحشه اوي يعني الموضوع مش بشع للدرجادي هي شويه حاجات بسيطة انا لاني بركز زيادة شوية 
إنما شكل الجسم وطريقة اللبس نفسي بجد يتغيرو

Apple_4481 🇪🇬 · Answer

ف اي ي جماعة اي الردود الصعبة دي 😢انا مش عايزا اسيبه لان اللي زيه ميتأذيش بس كل الفكرة اني نفسي الحاجات دي تتصلح عشان محسش ب ضيق وانا معاه مش اكتر

Grape_46314 🇪🇬 · Answer

للاسف عندك حق

Grape_46314 🇪🇬 · Answer

القرار قرارك متسمعيش كلام الي يقولك سيبيه 
لو انتي حسيتي انك مش متقبلاه ساعتها شوفي هتكملي ولالا 
ممكن بعد الجواز تغيريه هو صعب شوية يتغير 
بس يمكن لما يشوف انتي بتهتمي بنفسك ازاي يتعلم 
ويمكن كمان انتي تساعديه انه يهتم بنفسه بطريقة لطيفة 
غير انك لقدام لما تتجوزوا ان شاء الله ممكن تبقوا تختاروا لبسه سوا

Grape_46314 🇪🇬 · Answer

عامل ايه يكوفي يارب تبقى بخير 
استمر فالحاجات الي بتنزلها يمكن تأثر فناس ويكون ليك اثر جميل فالدنيا