مش عارفة أتعامل مع رغبتي في كلام الولاد

Question

يا جدعان حد يلحقني 
انا الحمد لله مليش في موضوع اني اكلم ولاد ولا كده خالص بس مش عارفة ليه الفترة دي بحس ان عندي رغبة جامدة اوي في كده
هو شعور متناقض يعني انا حاسة اني عايزة اكلم ولاد بس حرام و كمان هكلم مين ده زائد اني عارفة ان تفكيرهم في البنات مقرف 
ف يا ريت لو حد يعرف اتعامل ازاي مع الشعور ده يقولي 
( انا عندي صحاب بنات و علاقتي بأهلي كويسة و ببهم كويسة الحمد لله )

Watermelon_28759 🇪🇬 · Accepted Answer

دة بيكون اكتره فراغ انك محتاجة حد جديد تتكلمي معاه تحكيله وهكذا .. انتي حاولي زودي كلامك مع صحابك واتعرفي على صحاب جداد واعملي انشطة زيادة .. مثلا يوم روحي النادي مع صحابك ويوم روحوا سينما ويوم قولي هوضب اوضتي .. ويوم اعملي هوايتك ايا كانت اي .. ويوم مثلا هتفرج على المسلسل دة واعمل فشار ويوم هنزل جيم مثلا او حتى هعمل رياضة في البيت .. وأهم حاجة صحابك واهلك تحكيلهم عن يومك بالحلو والوحش

Croissant_40518 🇪🇬 · Answer

بصي كل ما تحسي أن بتفكري كده غيري مكانك مرسي هويه اقري روايه أو اعملي اي حاجه خلي فيه استغفار معين كده كل ما تفكري في أن تكلمي ولاد قوليه وبعدها بفتره أن شاء الله تبقي احسن وكل ادعي في صلاتك كتير بكل الي في قلبك وربنا هيهديكي لطريقه

Strawberry_40539 🇪🇬 · Answer

ده عشان بس الحواليكي كلهم كدة فحاسة ان ناقصك انتي كمان ده و بتشوفيهم بيحكوا لحد و بيهتم بيهم والهبل دة فبتحسي انك عايزة تجربي ده بس في الحقيقة كل ده هبل و الانتي فيه هو الصح دي نفسك بس بتأمرك بالسوء بس اتأكدي انك كدة قيمتك اعلي بكتير و الهيبقي من نصيبك في يوم من الايام هياخدك و قيمتك عالية في أثبتي علي ده عشان تفضلي محافظة علي نفسك و قيمتك و حاولي تتكلمي مع اهلك و تاخدي الاهتمام و الحنان منهم

Apple_36304 🇪🇬 · Answer

كلامك كله صح

Strawberry_21539 🇶🇦 · Answer

كل ما تيجي الفكره في بالك استغفري ربك

French Fries_32710 🇪🇬 · Answer

للأسف مفيش وقت للخروج و كده الدراسة مبهدلاني اصلا و اليومين الاجازة بنامهم 
بحكيلهم والله ده انا بصدعهم كمان 😂🥲

Strawberry_40580 🇪🇬 · Answer

+1