بحس إني مؤذية للناس ومش عارفة أصلح ثقتي في نفسي

Question

ياجماعة أنا دايما بحس إني مؤذية للناس و إني بدايقهم دايما مش عارفة اعيش بسلام كل فترة احس ان حد متدايق مني و مش عايز يكلمني و معظم صحابي مُتعِبين اوي و لما حد بيقولي كلام حلو او كده مش بحب انزل لهم لان الباقي هيقول ما انا بقول وبعمل لانها بتحصل معايا كتير ولما احط عدد كده من الاستوريات بحس انه هايدايق حد ف بمسح معظمهم بحس ده عدم ثقة في النفس اصلحه ازاي؟

Avocado_20132 🇮🇹 · Accepted Answer

الحل ف انك تتقبلي ذاتك
نزلي استوريهات براحتك دا فونك وحسابك اللي بيحبك هيحبك زي ما انت
اعرفي منطقتك وحرياتك فين واتعاملي بيهم بمعني ان طالما انت فمكانك وحياتك تعملي اللي انت عاوزاه طالما مش حرام 
ومن حقك تنزلي للناس اللي تحبيها عادي دي حياتك
حبي نفسك واعرفي حدودك وحقوقك وقدري نفسك وقدري حقوقك وعيشي بعفويه اكتر وأريحيه اكتر الدنيا ابسط من كدا❤️

Biscuit_20432 🇪🇬 · Answer

انا فاهمة بجد وشكرا على النصيحة بس بحس اني لما بتصرف بتبعيطتي ببقا غريبة ومحدش عايز يستحملني كده

Avocado_20132 🇮🇹 · Answer

طيب احساسك دا نابع عن احساسك مش اكتر ولا ناس قالولك كدا او مواقف بينتلك كدا؟

Biscuit_20432 🇪🇬 · Answer

من جوايا انا بس في ناس علقو على تصرفاتي وانها غريبة ف بحاول متصرفش بطبيعتي في معظم الاوقات بس الشعور ده بيجي ويمشي يعني انا متقلبة المزاج شوية اصلا برضو اخويا الصغير علق قالي انتي بتدايقني وخصوصا ف الفترة دي ف حسا اني اتغيرت للاسوء وحسا بكده من اول الاجازة

Avocado_20132 🇮🇹 · Answer

طيب بما انه من جواكي ف ممكن تكون دي مجرد مشاعر سلبيه عن نفسك بسبب قلة تقديرك لنفسك وكدا 
حتي لو حد متقبلش تصرفاتك ساعتها متلوميش نفسك لا اقفي وقفة حساب مع نفسك شوفي هل فعلا تصرفاتك مؤذيه او وحشه؟ لو لا يبقي ابعدي الناس دي وروحي للي يحبك ويقدرك ويحب تصرفاتك لو فعلا لقيتي ان بعض تصرفاتك وحشه يبقي ساعتها تحاسبي نفسك منغير لوم لا تحاسبيها بنضج وتشوفي انت غلط ف ايه وتصلحيه لكن فكل الاحوال حبي نفسك❤️

Biscuit_20432 🇪🇬 · Answer

شكرا اوي❤❤