ازاي أعرف لو بنت عمتي معجبة بيا؟

Question

السلام عليكم انا بحب وحده اكبر مني بسنه بس هي اجلت مواد فبقيت في نفس سني تقريبا (تالته ثانوي)وهي شاطرة جدا ومتفوقه وهي تبقي بنت عمتي وفي ثنه اعجاب من ناحيتها لاحظته لما قليل لما بقعد معاها يمكن كل مناسبه بس المشكله ان بابا وامها مش متوافقين هما اخوات بس بيتعاركوا مع بعض علطول 
قلولي اتاكد ازاي من مشاعرها (ملحوظه انا عمري ماكلمت بت ومش هعرف ادخلها خاص انا حافظ رقمها بس محرج اخشلها )

Mango_30835 🇹🇷 · Accepted Answer

حبيبي انتو لسه صغيرين أن كلمتها هتاخد ذنبها وذنبك ركز على نفسك ومستقبلك ولما تكون نفسك وتكون مشاعرك وفكرك واضح روح اتقدملها أما دلوقتي فمفيش حاجه هتكون واضحه خصوصا انك بتتكلم عن علاقه حرام والأهل كمان متوترين بين بعض

Potato_31745 🇪🇬 · Answer

بص متزعلش مني بس ركز في مذاكرتك احسن ولما تخلص ثانوي علي الأقل ممكن تفكر لكن دلوقتي دي مش فكره كويسه ربنا معاك

Tomato_30792 🇪🇬 · Answer

روح قول لباباك وخد منه كلمه شرف انك اول ما تنجح السنه ديه تروحو تتقدمولها احسن حاجه هي الحلال

Strawberry_32251 🇮🇶 · Answer

الاهل ممتوافقين 
البنية مشغولة بالدراسة 
انت عندك دراسة 
انت صغير بالعمر 
عزيزي كل الضروف حاليا تمنعك انو تفكر بالارتباط بيها حاليا ف اذا اخذت هيج خطوة راح تصير بمشاكل عاطفية انت في غنى عنها انتضر لحدما تكون نفسك و تصير شخص واعي وبالغ و مسؤول حته تشوفك رجل يحبها مو  ولد يحبها

Orange_31379 🇪🇬 · Answer

والله يا صاحبي عديت بمرحلتك وعانيت بسبب كدا خد الخلاصة وبراحتك عارف ان عندك جفاف عاطفي في سن زي كدا بس والله هيريحك كتير لو مكلمتهاش وخليت العلاقة طبيعية وركز في دراستك ومتعلمي حاجة تغضب ربنا علشان ربنا يكرمك وتخيل أهلها واهلك خوفو أنكم بتتكلمو بعض اي موقفك او تخيلها العكس حد لمؤاخذه مع أختك اكيد هتتعب وهتتضايق احسبها كدا انت كسبان

Lemon_32050 🇪🇬 · Answer

المشاعر اللي عندك حاجه جميلة اوي ومش وحشة علي فكرة هو بس كل الفكرة انك محتاج ترتب اولوياتك و تكون مستوعب فكرة القبول والرفض
يعني مثلا انت تحدد اولوية التفكير في المذاكرة ومستقبلك او التفكير في شريك حياتك تشوف ايه هيحققلك اعلي قدر من السلام النفسي
1- تكون ناجح وشاطر وليك مكانه في المجتمع وعارف تجيب فلوس 
- بيت سليم مع زوجه كويسة وذرية كويسه مع مكانه متوسطة او ضعيفه (بس عارف تتحمل مسئوليتهم المادية

Kiwi_32239 🇪🇬 · Answer

شكرا ❤️

Watermelon_32252 🇹🇷 · Answer

مش هقلك انسى مشاعرك دي و رميها ...بس صدقني في المواضيع دي لازم تعرف انه لازم تفكر بمنطقية ..لو قلتلها هتكون ايه الخطوة الجية ... اصل الارتباط دا مش بس رقم موبايل و كلام بالليل..دا حاجة رسمية ..انت قدها ؟

Lemon_32050 🇪🇬 · Answer

تابع :
بالنسبه ليا ونصيحتي ليك انك تركز في المذاكرة اللي هتوفرلك النجاح في حياتك
لكن في حالة اختيارك للشق التاني فانت تمام بردو عادي وده مش فشل

تاني ترتيب أولويات
هو هل حبك ليها اهم ولا حبك لابوك ونفسيته اهم انت تقول في مشاكل بينه وبين امها هل هتكون مرتاح معاها لدرجه انك مش زعلان علي ان ابوك يكون متدايق (انا هنا مش بلعب علي عواطفك عادي تختار سعادتك وحقك انا بس بعرض عليك الاوبشنات اللي قدامك)

Kiwi_32239 🇪🇬 · Answer

شكرا جدا علي النصيحه ان شاء الله هصبر 🤍🤍

Kiwi_32239 🇪🇬 · Answer

👌

Kiwi_32239 🇪🇬 · Answer

شكرا انك فوقتني من الذنب اللي كنت هعمله وان شاء الله اركز علي مستقبلي

Lemon_32050 🇪🇬 · Answer

تابع 2
تاني حاجه بقي انت متعرفش هي بتحبك او معجبه بيك وغالبا الاعجاب من ناحية البنات واسمحلي اعرفك ايه يدور جوا البنت بما اني بنت
انه اه عادي  ممكن معجبه بيك جدا بس مش بتحبك وكلنا كده تقريبا ولد شكله كويس محترم دمه خفيف الخ هتكون عاجبها بس مش تحبك!! مش معني انها تبتسملك او تضحك في وشك او تمدحك ده بالضروره حب
والحب مهم جدا عن الاعجاب!!

فنصيحتي ادي لنفسك فرصه سنة 3 ثانوي دي فضي دماغك وقيم امورك

Kiwi_32239 🇪🇬 · Answer

ابويا مين يعم بقولك هو وامها مش بيطيقوا بعض بس على العموم شكرا 👍

Lemon_32050 🇪🇬 · Answer

تابع 3
لو اختارت مستقبلك يبقي فضي حياتك كلها للمذاكرة وابتدي حط هدف لنفسك
لو اختارت ان سعادتك معاها خليك بعيد بس اديها هينت من وقت للتاني وصدقني هي هتفهم

ولو اختارت علاقتك بابوك ورضاه ابعد خالص

طيب بعد السنه؟ بكل شجاعة روح اعترف ليها كانت فاهمه تلميحاتك وقبلت بيها هتوافق مش قبلت ورفضت فانت تقبل ده وسنك صغير لسه ذوقك هيتغير والمواصفات والاحتياجات في شريك حياتك لسه هيتغير وهتقابل غيرها

Kiwi_32239 🇪🇬 · Answer

شكرا جدا على نصيحتك وان شاء الله هعمل بيها 💛💛

Kiwi_32239 🇪🇬 · Answer

والله العظيم انك فاهمه بجد شكرا اخصتي الموضوع ❤️