جماعة أخويا ٦ ابتدائي ايام ماكان في رابعة كان كويس بيحفظ قرآن و بيصلي في المسجد و بيسمع الكلام و هادي لحد ما واحدة قالت لابنها قدامنا (روح صلي في المسجد انت مش شايف فلان ملتزم ازاي و بيصلي في المسجد علطول) الواحدة دي احنا عارفينها يعني و كلامها بيكون برئ ممكن مش قصدها بس غصب عننا بنحسوا بالحسد يعني و من بعدها اخويا حاله اتقلب تماما بابا راح لشيخ اداله ماية مقروء عليها انه يشرب منها يعني و قاله يرش البيت بماية و ملح و الاذكار وكده و مشينا عليها فترة و كان حبة يروح المسجد و حبة لا و بقى يقصر في حفظه و حاليا مش بيصلي و مش بيروح المسجد إلا مرة في الاسبوع مثلا لو جه في دماغه صدفة و مبقاش يحفظ قرآن و بقى شقي بطريقة غريبة و مش بيسمع الكلام و بيقل ادبه علينا كلنا حتى ماما و هو بيخاف من بابا شوية بس ممكن يعلي صوته عليه و بابا مش بيرضى يضربه او يزعقله عشان ميتضايقش (الفترة اللش كان بيروح فيها للشيخ بابا لاحظ انه لو ضربه او زعقله و نام بيحلم بكوابيس لحد ما يروح يصالحه) المهم هو قصر في المذاكرة خالص مازال شاطر و بيطلع الاول بس شايف انه مش بيذاكر و بينجح ف مش هيذاكر بقى ولو انا كلمته يقولي اتخرسي انتي ملكيش دعوة و يشتمني و يدعي عليا و بيبجح بطريقة غريبة ، انا الكبيرة ف لما ماما تقوله احترم اختك يقولها هي عشان الكبيرة يعني احترمها لا دي كبيرة على اي حد غيري (عنده موبايل كان محوش نص تمنه و بابا كمل و جابهوله) بقى مدمنه حرفيا لولا الكام ساعة نوم و دروسه كان قعد بيه ٢٤ ساعة و بيزعق جامد فينا و صوته بيعلى بطريقة مش طبيعية ومش عارفين نعملوا معاه اي بجد هو بيمسك الموبايل بيلعب عليه لأني متابعاه يعني بقى بيدمن الجيمينج بطريقة غريبة انا مش فاهمة ده طبيعي عشان بيكبر وكده ولا اي فكرت اخليه يسمع بودكاست ممكن يأثر فيه بس مش عارفة اسمعه اي و عايزة ابقى قريبة منه انه يحكيلي اي حاجة و يحبني و عايزة احسن سلوكه هو بيحب الرسم و رسمه حلو اوي بفكر في الاجازة اخليه يروح كورس بحيث يتلهي عن الموبايل شوية ف حد يفيدني لو مر بكده او يقولي افكار اعملها معاه او اخليه يعملها مع العلم بردو مش بيرضى يخرج معايا و ممكن يخليني انزل اشتري الحاجات و هو يقعد عادي عايزة اعلمه الرجولة انه يخاف علينا و يحبنا و يحمينا انا عايزة احل المشكلة دي بأيطريقة بس معنديش اي فكرة

6

0