اختي بتحب شاب واتقدم لبابا بدل المرة عشرة وكل مايشوفه صدفة يتكلم معاه ويقوله قلبك هيحن عليا امتا بقا وأنه عنده استعداد يعمل اي حاجة عشان يوافق بابا دايما بيصده وبيعامله وحش عشان أختي ف طب وهو معهد وكمان هي زي القمر وعرسانها كتير وبابا شايف أنها تستاهل حد أحسن منه. سمعتها مرة بتكلمه وفهمت انها بتقوله نتجوز من وراهم او حاجة زي كده انا خفت عليها جدا ولما اتكلمت معاها ف الموضوع زعقت فيا وقالتلي إنتي ملكيش دعوة مش ناقصاكي انتي كمان ومش عارفة إيه.. رحت قولت لبابا إللي سمعته يضربها بقا ولا يحبسها المهم متعكش وتعمل المصيبة دي بالفعل بابا حبسها حتي منعها من الامتحانات وهي من وقتها كارهاني جدا وشايفة اني سبب إللي بيحصلها مع أني والله كنت خايفة عليها. بابا راح اتخانق مع باباه وقاله يبعد ابنه عنها وانه ابنك بيضحك ع البنت وكده وحكاله ع حوار الجواز ده والولد قال دي رغبة بنتك مش رغبتي وانا رفضت اتطمن انا بخاف عليها اكتر منك اصلا بابا قاله لو بتخاف عليها سيبها ف حالها عشان طول مانت بتحوم حواليها مش هطلعها من البيت ولا هوديها الجامعة وف الآخر مش هتوصل لحاجة ومش هتاخدها. بعد شهر بالظبط هو سافر ومن وقتها وهي مكتئبة وكارهانا كلنا وبتزعق ف اي حد يكلمها حتي بابا وماما ومش بتاكل وبسمعها بالليل وهي بتبكي بصوت عالي.بابا قالها تقدري ترجعي جامعتك قالتله مش راجعة ومش هكمل تعليمي.احنا غلبنا نسيطر عليها ونتعامل معاهاو انا حاسة بالذنب ناحيتها وعاوزة اساعدها عاوزة أعملها اي حاجة اصلح بيها اللي عملته معاها وعاوزاهم جدا يرجعوا لبعض!

20

0