اختي بتغير مني مووووت وتضايقني دايما!

Question

اختي بتغير مني مووووت كل ما اجيب حاجة لازم تجيبها و مينفعش مثلا اعمل حاجة و هي متعملهاش حتى لو هي مش محتاجاها و دايما بلاقيها بتحاول تطلع نفسها حلوة وخلاص تيجي تتريق على شكلي يعني مثلا كنت بعمل وشي بالجواشا لقيتها بتقول لي انتي مفكرة نفسك هتعملي جلو اب و ضحكت و بعدين قالت لي ايه مفكرة نفسك بيضة انتي شكلك مقرف(ملحوظة: هم كانو طلعو مصيف و انا مرضيتش اطلع ف هم اسمرو جامد و انا بيضة ف امي بتقعد تقول لي لونك ابيض اوي وسطهم) و مثلا هي رموشها قصيرة اوي و انا رموشي طويلة تيجي تقولي انتي مفكرة نفسك رموشك حلوة دي رموشك مقطعة حرفيا اي حاجة المهم تنتقد انا بقيت احس ان نهايتي هتكون على ايدها فيها كمية صفار بس محدش مركز و ممكن في مرة من كتر الغيرة تعمل في حاجة و خلاص احيانا بجد بتضربني لو حد مدحني في حاجة مش عندها بتضرب كانها بتهزر بس بتبقى ضربة بغل اوي و بعدها تقعد تسمني بالكلام انا تعبت منها

Potato_66678 🇪🇬 · Answer

انتي قلتي اختك 
هندليها اسمها اختك

Waffle_70830 🇪🇬 · Answer

بصي لو سنك ما بين 15 ل 18 انا مش هقدر اقولك غير اصبري كل الحجات دي بتعدي وبتختفي مع الوقت وبتكوني وعي وصورة معينة عن الحياة لو انتو الفرق ما بينكم سنة او اتنين او حتي ٥ سنين الغيرة طبيعية ما بين الاخوات ومع السنين بتتلاشي وبتبقي ذكريات مش هقول حلوه بس بتبقي ذكريات وبتعدي وخلاص

Apple_53375 🇪🇬 · Answer

طب حاولي تقربي منها و تعرفي هي بتعمل كده ليه يمكن عايزه مساعده نفسيه مثلا او حد يشجعها

Avocado_73251 🇪🇬 · Answer

والله انا قريبة منها عادي بس هي بتبقى كويسة طول ما انا مش احسن منها اول ما ابقى احسن منها تقلب خناقة  نكد و اشمعنا و لما تلاقيني اعلى منها في حاجة تتدايق جدا و تقل مني وانا والله بديها حاجات كتير من حاجتي عشان متحسش بكدة يعني انا مثلا بحب القرائة و جايبة كتب و دافعة فيهم فلوس كتير و بسيبها تقرا منهم مع اني عارفة انها ممكن تبوظهم و انا بحبهم اوي بس لو مادتهاش منهم ممكن تقطعهم لي🥲🥲

Avocado_73251 🇪🇬 · Answer

يعني ايه

Avocado_73251 🇪🇬 · Answer

انا16هي 14 بس عموما الغيرة عندها مش عادية حتى صحابها بيبعدو عنها بسبب كد

Potato_66678 🇪🇬 · Answer

ف الأول والآخر اختك احتويها وهندليها لأنها اختك