نفسي أكون أسرة طيبة وأحس بالأمان مع حد بيحبني

Question

بكتب الكلام ده علي امل افتكره بعد. ماحلي يتحقق 
احلامي يمكن بسيطة بس بالنسبالي محتجاها جداااا 
نفسي اولاً يبقي معايا صحاب ارتاح معاهم ميتكلموش ف ضهري ويصونو الشعرة انا دلوقتي وحيدة عشان كل ماتعرف ع حد يخون الشعرة والصحوبية من كتر صدماتي بقيت ابعد عن الناس عشان احمي نفسي ديما ف اوضتي ماسكة موبايلي مع اني اجتماعية 
تاني حاجة بتمناها جدا ان ربنا يرزقني بزوج حنييييين يعوضني عن اللي شفته نفسي اعيش الحياة الزوجية اللي رسماها ف خيالي والله لو ربنا اداني راجل بجد يحميني ويحبني لاشيله ف عنيا مش قادرة اوصف ازاي محتاجة حاجة زي كدة وازاي محتاجة اكون اسرة مع اني لسه صغيرة وكلامي ده مش كلام سطحي وجواز وكدا لا بجد انا نفسي يبقالي اسرة طيبة واطفال يتلمو حواليا واسأل الله انه يحققلي حلمي عاجلاً غير اجل

Apple_62609 🇪🇬 · Answer

للاسف معظم الناس أصبحوا لا يراعون عشره والصداقه أصبحت تحت مسمي المصلحه فقط ليه مصلحه تمام مفيش مصلحه حتي محدش يسأل علي حد و يتطمن عليه

Strawberry_62458 🇪🇬 · Answer

ياريت لو مش بيسألو دول بيسألو بيحسسوني انهم بيموتو فيا بعدين اكتشف انهم مبهدليني من ضهري

Apple_62609 🇪🇬 · Answer

والله انا نفسي حصل معايا كدا كان صديق عمر ليا و للاسف انا ربنا كرمني في حاجه و هو لم يوفق أظهر لي أنه فرحان ليا و راح اتكلم عليا بالباطل و حاول قدر الإمكان أنه يمنعني اكمل الطريق الي ماشي فيه لدرجه اني حصل لي تروما من الموضوع دا والله 
بس من ساعتها بقي خلاص عرفت أن الصداقه دي انتهت اتجهت لربنا و ل اهلي معنتش عندي استعداد اني اخد مقالب تاني في حد

Tofu_62615 🇪🇬 · Answer

والله انا زيك جدا 
بس بدءت اشتغل ع نفسي وبس 
احب نفسي مستناش لا راجل ولا صاحبة ول حتي اهل 
بقيت انا وربنا وحبيت ربنا اكتر كل ما بتعرف عليه هو الوحيد الل لا بيبعد ولا بيخون ولا مستني منك حاجه وهو الل جمبك دايما 
وبقيت احاول اعمل الل يرضيه ويرضيني ومكبرة دماغي من الناس بلاش وجع دماغ 
وربنا يرزقنا الزوج الحنين المناسب يارب ويرزق كل مشتاق 😂❤️

Strawberry_62458 🇪🇬 · Answer

والله العظيم ده نفس اللي حصل معايا وقالت عليا اني وصلت للحاجة دي بواسطة وغش مش مجهودي 😂

Strawberry_62458 🇪🇬 · Answer

امين يارب

Apple_62609 🇪🇬 · Answer

والله نفس الكلمه اتقالت عليا واني علشان كدا باخد حاجات مستحقهاش و حصل معايا مشكله بعد كدا عرفت أنه شمت فيا و قال علشان وصل لحاجه مش مستحقها ربنا عمل فيه كدا

Watermelon_62644 🇪🇬 · Answer

تفائلوا بالخير تجدوه