عندي احساس بالوحده ومش عارفه اعمل ايه في حياتي

Question

عندي احساس بالوحده بصوره ممله 
انا كنت شخص مجتهد جدا ف دراستي وشغلي الحمد لله 
حصل ظروف سيبت كل حاجه 
بقيت احس ف البيت اني ماليش لازمه 
ولا مع صحابي كنت بهتم جدا بتفاصيلهم واول مابطلت يعني من كام شهر كدا بدءو يختفو شويه شويه 
ومش مرتبطه الراجل اللي حبيتو وقلت يناسبني اختفى مني شهرين وشفت صور كتب كتابو على واحده 
لا ليا صحاب ولا حد ااتكلم معاه مع اني كنت شخصيه اجتماعيه جدا 
متاكده تماما لو رحت لدكتور نفسي حيطلع عندي اكتئاب كل اللي بمر بيه اعراض اكتئاب 
حساسه زياده عن اللزوم 
كنت بفتخر بنفسي زمان وبقوتي دلوقتي حاسه اني شخصيه مهزوزه تماما ومش عارفه تعمل ايه ف حياتها

Carrot_43322 🇪🇬 · Accepted Answer

اثبتي لنفسك وليهم انك مش محتجاهم 🤍

Carrot_43322 🇪🇬 · Answer

مش ممكن ربنا حب يظهرلك ناس ع حقيقتهم و فكك من الواطي اللي سابك اللي يسييك في اسوء حالاتك ميستهلكيش في احسن حالات و صحابك اللي بطلوا يكلموكي مكنوش صحابك من الاول الصحاب اللي بجد اللي ف الضيق قبل الفرح وان شاء ربنا هيعوضك خير
ثانيا ان شاء مفيش اكتئاب ولا حاجة متحطيش ف دماغكو كملي حياتك و حاولي نرجعيها زي الاول واحسن ❤️

Carrot_43322 🇪🇬 · Answer

واوعي ثقتك بنفسك تنهز 🤍🤍

Croissant_46306 🇪🇬 · Answer

بحاول والله اني ارجعها بس كنت ف وضع وبقيت ف وضع مختلف تماما 
مشكلتي الحقيقيه ان بهتم بزياده ف برفع سقف توقعاتي ف اني يهتمو بيا كده ودا غلط بس مش قادره اصلحو

Carrot_43322 🇪🇬 · Answer

فكك من اهتمام الناس عمره ما بينفع ولا هينفع انك ترجعي زي ماكنتي واحسن ده يكون لنفسك مش عشان يرجعوا

Apple_38269 🇪🇬 · Answer

اكبر مسبب للإكتئاب والخذلان هو رفع الانسان لمستوى توقعاته بأي حاجة وبأي حد بلاش تستنى او تتوقعي من حد حاجة وتستنيه يعملها ابسطي نفسك وفكك من كل اللمه دي لمة كدابة لو فضلك شخص واحد بس لكن بيقدرك احسن الف مره ومتقلقيش هتقابلي الشخص دا مهما طال الوقت

Croissant_46306 🇪🇬 · Answer

في انتظار الناس اللي حتقدر اهتمامي ف شكل علاتنا حقيقي