مش عارفة أتقبل خطيبي وبحس بالنفور منه.. هل ده مش خير؟

Question

حالياً مخطوبه صالونات عن ضغط وقالولي اديله فرصه وشوفيه وعملت استخاره 4 مرات واكتر وكل ما بحاول اتقبله مش عارفه احسه خالص وبكون كويسه وانا مش بكلمه وبحس بممل وانا بكلمه ده غير اني بتضطر اشرح وابرر قصدي علشان دايما بيفهم كلامي غلط وحتى لو هزرت بياخد هزاري جد ومكناش لسه كملنا اسبوع وقالي بحبك ومقدرش استغنى عنك وبتمنى تكملي معايا حياتي، وقولت اني مش مرتاحه شكوا ان في حد في حياتي وقالولي خليكي معاه شهر بس وانا خايفه وقلقانه ، هما شايفينه عريس مناسب جداً ( معاه بكالريوس تربية فرنساوي وعنده 28 سنه وبيشتغل وامه وابوه كويسين وبيصلي وسيرتهم كويسه)  بس هيقعد في بيت عيله ومافيش حاجه اسمها اعزل واقعد لوحدي وده كلامه في الاول وبعدين لما اتكلمت في الموضوع قالي اعتبري نفسك ساكنه في عمارة وانزل وقت ما تحبي وكلامه كله مش بصدقه ومش مقنع ومش متطمنه خالص ولو خليت الموضوع يجي منه هتحط في ضعط نفسي برضو وهيتقال اني كرهته فيا .. احساسي بالنفور ده علامه ع انه مش خير ليا ولا لازمه الموضوع يقف؟

Sugar_49832 🇪🇬 · Accepted Answer

بيت عيلة لااااااا 
ارفضى مهما كان كويس لو ايييه هييجى يوم وهتلاقى نفسك مجبره ان حياتك كلهاا تكون مع اهله

Popcorn_67650 🇪🇬 · Answer

محدش يقدر يغصبك عليه قوليلهم فالبيت كل العيوب دي وانك مش هينفع معاكي تقعدي في بيت عيله 
وكنت هقولك خليها تيجو منو وبصراحه ده الاحسن مهما هيقولو اي

Mango_64475 🇪🇬 · Answer

قولت والله بلاش بيت عيله قالولي امه طيبه وكويسه

Potato_27813 🇪🇬 · Answer

ايه كل الصراع ده ؟ ده انتي هتتجوزي مش هتدخلي حرب أفضل شى الانفصال طبعآ

Banana_66333 🇪🇬 · Answer

قولي رايك ودافعي عن رغبتك وقولي مفيش قبول خالص وصممي على دا احسن ما تندمي بكره

Watermelon_67319 🇪🇬 · Answer

ممكن تتواصلى معى لو سمحت☺️

Lemon_67549 🇪🇬 · Answer

بصي ده جواز محدش يفيدك لما تختاري غلط شريك حياتك اهلك محدش هيدفع تمن اختيارك غيرك طالما مش مرتاحه  وصليتي استخاره ومش مرتاحه يبقي ليه مكمله حاولي تفهميمهم في البيت كده وان نصيبك هيجي بس بجد طالما مش حاسه انك مش مرتاحه معاه مش تكملي

Lemon_67549 🇪🇬 · Answer

اكتر حاجه محدش ينفع يدخل فيها بجد هو اختيار شريك حياتك

Banana_67096 🇪🇬 · Answer

لازم توصلى رأيك ده لاهلك ونصيحة يا بنتى بلاش بيت عيله والله عيشة كلها اهانة وقلة قيمة مهما كان مركزه ومستواه وفعلا كلامه مش مقنع وحسيت انه مدلوق وخلاص او فاهم الدنيا غلط  ومفيش حاجة من اللى قالها دى هيعملها

اهربى احسن وربنا يعوضك خير

Lemon_67549 🇪🇬 · Answer

أنا حاسه كده برده لان حرفيا اللي زي ده بيبقي بتاع كلام وخلاص

Potato_67597 🇪🇬 · Answer

مهما يعمل هتفضلي مش متقبلاه بس حاولى اديله فرصه  كدا يمكن يكون حد كويس فعلا ويتقي ربنا فيكي لان احيانا اللي بنخاف منه مبيجيش احسن منه بجد انا حصل معايا نفس الموقف كدا بس الفرق بقي اني فسخت خطوبتي بعد ما حسيت بكل اللي قولتيه دا واكتشفت انه كان بيحبني قبل ما يخطبني ب ٣سنين مع نفسه كدا مقلش لحد غير والدي وحقيقي كان بيتمنالى كل الرضا والله بس ربنا عوضه بقي والحمدلله على كل حال

Banana_67096 🇪🇬 · Answer

لا واعترافه بمشاعره بدرى دى تقلق انت محروم ي عمنا ولا ايه مش كدا ولو روحتى بيت عيلة ولا هتنزلى ولا هتطلعى براحتك والعين دايما هتبقي عليكى ولو سبوكى هيشككو ف اخلاقك وشرفك فكك احسن انتى اصلا مش مرتاحة بغض النظر عن محل السكن وده لوحده شئ كافى

Strawberry_64990 🇪🇬 · Answer

قولى ل اهلك انك مش مرتاحة و قوللهم مش عيزاه و مش مبسوطة لو محدش فيهم اقتنع اتكلمى انتى معاه و قوليله انك مش عايزة تكملى و مش مرتاحة

Mango_66911 🇪🇬 · Answer

مفيش تفاهم ولا انجذاب مفيش نصيب

Coffee_66844 🇪🇬 · Answer

الموضوع ابسط من كده ،وانتي جواه الإحساس بيكون صعب حاولي تاخدي خطوة لابعد هتشوفي الموضوع اسهل ،ومتضغطيش علي نفسك ،عبري عن نفسك بلاش تحاولي تباني بمظهر المتماسك ده متعب جدآ

Orange_67483 🇪🇬 · Answer

صلاه الاستخاره مش معناها انك تلاقي نفسك مستريحه او لا معناها

Strawberry_67670 🇪🇬 · Answer

بصي اول حاجه طلاما مش مرتاحه معاه خلاص ابعدي عنه وقولي لاهلك انك مش مرتاحه وكده واكيد يعني هيفهموكي لان دول اهلك ومش هيجبروكي علي حاجه وتاني حاجه بيت عيله لا علشان بيوت العيله دايما بيحصل فيها مشاكل حتي لو انتوا واخدين بعض عن حب ما بالك بقي صالونات ف قولي لاهلك انك مش عايزاه ومش مرتاحه

Mango_64475 🇪🇬 · Answer

اومال ايه

Coffee_67272 🇪🇬 · Answer

اهو عشان بيت عيلة دي ارفضي

Potato_64725 🇪🇬 · Answer

بيت عيله لااااا

Banana_67845 🇪🇬 · Answer

فكره انك مش عارفه تحبيه لانك حبيتي حد تاني 
حد شيفاه هو و بس لحد م تلاقي الشخص الي تشوفيه فيه ودا مصيبه او الي يغنيكي عنه أن شاء الله 
ف انتي موضوعك اصعب من فكره جواز صالونات 
انتي لازم تحبي الشخص الي هيجيلك فعلا يا أما هتندمي ع حياه هتبتديها مع حد و مش هتكمل و هتكون مشكله ف فتره ف حياتك ف ذاكرتك 
او غلطه ممكن تغلطيها ودا هيكون ف ضعف منك او او او
ف انتي لازم تحبي الي يجيلك بس ادي نفسك فرصه ف حاولي

Orange_67483 🇪🇬 · Answer

صلاه الاستخاره بتكون طلب مننا لو الموضوع خير ربنا ييسره ففي حاله وجود تيسير في الامر ده معناه ان صلاه الاستخاره بتقول ان احنا نمشي فيه