عندي إحساس شديد أوي بالندم والمسؤولية تجاه أمي بحس إن قلبها لسه قلب طفل صغير بحسها مش واعية كفاية بحسها طفلة جدا. حاسة دايما إنها مسؤولة مني، وحاسة بالذنب إنها اتجوزت صغيرة ومكملتش تعليمها، لظروف ما. هي مكملتش حتى تعليمها الإبتدائي واتجوزت في سن ال 15 تقريبا. هي بتحكيلي إنها مكانتش فاهمة حاجة كانت فرحانة وخلاص وكأن حد جايبلها لعبة جديدة. يعني ما أخدوش أصلا رأيها ، يعني أهم حاجة في حياتها مكانتش قرار منها. والمشكلة الأكبر إن لحد دلوقتي محدش مقدرها انا دلوقتي عمري 17 عندي أخ أكبر مني وأخ أصغر بحس بالذنب والندم علشان كل اللي حصللها واللي لسه بيحصللها، بحسني أمها يمكن لمجرد إني دلوقتي أكبر من السن اللي هي اتجوزت فيه. وحاسة إني مسؤولة عن كل اللي حصللها ولازم أحميها والمشكلة إن سني ده انا مقدرش أعمل حاجة. الإحساس بالمسؤولية تجاهها بيزيد لدرجة إني بجد معدتش قادرة. الموضوع ده بقا مشكلة نفسية مش قادرة أتخطاها أو أعالجها أو حتى أتعامل معاها. مش عارفة أعمل إيه.

9

5