ليه بحس بالفشل ومش عارف أكمل في شغلي؟ 😢

Question

هو انا ليه بيجيلي إحساس بالفشل وبيقعد معايا بالأيام بحس الدنيا كلها وقفت ومعنديش طاقة أطلع من اللي انا فيه ولا عندي طاقة أكمل شغل ومهما كنت بذلت من مجهود في الشغل بحس كإني لسه متعلمتش حاجة ولا معايا خبرة ولا علاقات تساعدني في الشغل وأوصل للي أنا عاوزه ولو حد طلب مني حاجة اعملهاله بحكم شغلي بحس اني مش عارف هتصرف ازاي واعمل ايه عشان اخلصله الحاجة اللي طلبها مني وبحتاج مساعدة من شخص تاني يعملها مكاني كإني برجع للصفر تاني وببقا مش عاوز اكمل شغل وبهرب بإني اضيع وقت في اي حاجة تانية خروج او سفر او اكتئب في البيت وساعات كتير بيحصلي الإحساس ده لو حد اتكلم عن شغلي بإسلوب مش حلو او لو غلطت في الشغل غصب عني بضايق اووي ونفسيتي تتعب وبحس بالفشل على طول😢😞

Banana_27965 🇪🇬 · Accepted Answer

ياريت حد يقولنا حل علشان بتحصل كتير معايا

Apple_27877 🇪🇬 · Answer

لسه حاصله معايا كنت شغال علي بروجيكت وبعد ماخلصته وبعته اترفض عشان شايفينه مش زي اللي في دماغهم يعني .. مع ان انا شايف اني عامل فيه اللي قدرت عليه وعارف قدراتي في الحاجه دي بالذات ف الموضوع عادي المهم تكون انت واثق في نفسك وقدراتك وفكك من رأي الناس 
زي مابيقولوا ارضاء الناس غايه لا تدرك .. ف خليك مكمل وماتسمعش لحد وخليك واثق انك هتقدر تعمل الشغل ده وتخلصه في احسن صوره

Almond_27891 🇬🇷 · Answer

حالي كان من حالك حاول تصاحب الناس ف الشغل و اتعب اكتر و متكسلس ف الشغل ب الزات افتكر دائما أن الشغلانه الي انت مكنتش صبي بتتعلم فيها عمرك م هتبقا معلم فيها هي كل الفكره انك مش متقبل المكان الي انت فيه بس واحده واحده اثبت نفسك و اتعب و اتعب و هات اخر اخرك عشان لما تقول i'm out تبقي بتقولها بكل نفس راضيه و ضميرك مستريح انك عامل الي عليك

Chocolate_27766 🇪🇬 · Answer

بعتذر لو كلامي غير المتوقع لكن الموضوع ممكن يكون طبي.لو معندكش طاقة لاي حاجة..حاول تحلل غدة درقيه و فيتامين DوB12. ممكن بس تكون محتاج mood booster