حاسة بالذنب بعد فركشة الخطوبة وخايفة عليه يدخل انتكاسة

Question

انا حاسة بالذنب انى فركشت الخطوبة .. بغض النظر عن أسباب الفركشة اللى انا قولتها ف بوست قبل كدة بس هو مريض نفسي بياخد علاجات و خايفة يدخل ف انتكاسة بسببي عشان سيبنا بعض و هو كان لسة خارج من انتكاسة قريب .. هو بيدخل ف انتكاسات ع طول لانه حساس جدا بيتأثر بأى حاجة و يعيط مش عارفة ده احساس بالشفقة ولا بالحب

Cherry_56954 🇪🇬 · Accepted Answer

حبيبتى ده جواز 
مينفعش تحسي بالذنب 
خصوصا انك قولتي انك مسبتيهوش بسبب مرضه 
اكيد ف حاجات تانيه هو مريحكيش فيها 
وطالما مرتحتيش وهو معرفش يحافظ عليكي يبقا خلاص 
قرار الانفصال صح لأننا بنتجوز ناس نرتاح معاهم مش ناس يتعبونا ومش متفاهمين معانا
خديها قاعده الجواز مفيهوش جبر خواطر 
عشان ده عمرنا وحياتنا فلازم نختار صح

Apple_65457 🇪🇬 · Answer

بصي حطي نفسك مكانو وشوفي انتي لو مكانو هتحبي يتعمل معاكي ايه واعمليه

Banana_65793 🇪🇬 · Answer

هو عبارة عن ميكس بين الاتنين فبيخلي القلب يرق ويحن لاقرب لحظة حنين

Strawberry_65724 🇪🇬 · Answer

ماهو تعبه النفسي ده مكنش سبب الفركشة انا وقفت جنبه و كان عندى استعداد اشيله ف عيني طول العمر

Apple_65457 🇪🇬 · Answer

بصي لو هو فعلا بيحبك وراجل تمام مظبوط يعني  ارجعليه عشان لو الراجل حب واحده ومبقتش موجوده ممكن يجلد نفسو كل يوم 
وميبطلش تفكير ثانيه الا فيه ده حتي الاحلام

Banana_65580 🇪🇬 · Answer

هو مش طبيعي عشان يخرج من انتكاسة ويدخل في انتكاسة 🤣قصدى علاقة تانيه وانتي بردوا طالما عارفة كده ليه فركشتي ومقدرتيش انو ممكن يدخل في انتكاسه

Strawberry_65724 🇪🇬 · Answer

عشان شخصيته ضعيفة و مش بيتحمل مسئولية ومامته ممشياه و بتتحكم فيه

Banana_65580 🇪🇬 · Answer

خدى بالك العلاقات مفهاش صعبانبات بس اهم حاجه متكونيش ظلمتيه بس مش اكتر

Banana_65580 🇪🇬 · Answer

عارفه طالما هو بياخد راى حد وبيمشي وراه بايدك كنتي هتخليه يبقي تابع ليكي ويمشي وراكي لو اطمنلك

Banana_65580 🇪🇬 · Answer

بس قصة تحمل المسؤولية دى حوار تاني لوحدوا ودى حاجه مهمه في اى انسان سواء ولد او بنت لازم يكون بيتحمل المسئولية

Banana_65580 🇪🇬 · Answer

واقولك ع حاجه حلوة متندميش ع حاجه قلبك جابك وعملتيها

Strawberry_65724 🇪🇬 · Answer

فعلا اتكلمنا و قولتله كل اللى جوايا و وعدنى هشوف واحد تانى .. و كان مجرد كلام مع ايقاف التنفيذ .. دى مامته ساحبة منه الفيزا بتاعته و مسيطرة ع كل حاجة تخصه

Banana_65580 🇪🇬 · Answer

عشان اكيد امتي شايفة الي احنا مش شايفينوا وطالما خدتي قرار مترجعيش فيه

Ice Cream_65809 🇪🇬 · Answer

هاي ازيك ندردش خاص

Strawberry_65724 🇪🇬 · Answer

لا طبعا

Banana_65580 🇪🇬 · Answer

ده مين ده 🤣جيت امتي يابني

Biscuit_65810 🇪🇬 · Answer

انتي عملتي الصح انتي مش دكتورة عشان تعالجيه دي حياه جديده لازم تتبني علي اساس قوي

Avocado_33231 🇪🇬 · Answer

لا فين الرحمه والموده مبلاش تبرمج ام دماغ الناس علي قساوة القلب دي حسبي الله ونعم الوكيل

Olive_65811 🇪🇬 · Answer

انتي صح جدا اللي عملتيه
لا تتنازلي عن الصح و ابتعدي عن التعاطف و الشفقة في الارتباط لأنه هيكون ندم و حسرة بعد كده و لا تقدمين الا لمن يستحق و يقدر ما تفعلينه 
لا تبذلي طاقتك لمن لا يرعاها بل و ينميها حتى لا تستنزفي

Peanut_64752 🇪🇬 · Answer

لا طبعا لو مفيش قبول منك له يبقي ملكيش دعوة بتاتا هو انسان مرهف وهتتعبي معاه طول عمرك لانه مش راجل اساسا. الجواز مش لعبه ده ارتباط دول العمر والمفروض تكوني مستعدة تعيشي معاه بحالته دي. الواحد زهق من كتر مبيشوف حالات طلاق. طبعا ده كله في حاله لو هو مش واحد ثري عربي وقتها وافقي علطول مش مهم مرهف حس 😂

Peanut_64752 🇪🇬 · Answer

لا طبعا مش بتتقاس كده بتاتا. المفروض فيه قبول من الطرفين علي الاقل جدا لحديث " ان جائكم من ترضون دينه وخلقه فزوجوه الا تفعلوه تكن فتنه في الارض وفساد كبير"

Strawberry_65724 🇪🇬 · Answer

هو ظروفه المادية فعلا كويسة بس كل أملاكه ف ايد.مامته بحكم أنه تعبان و بيتعالج

Chilli_60700 🇪🇬 · Answer

اعتقد شفقه مش حب ، ومع الوقت هتعدي ، هوا هيكون تمام وانتي هتكوني تمام ، متعلقتيش دماغك هنا وبس

Peanut_64752 🇪🇬 · Answer

طب بصي. لو انتي في حيرة، روحي صلي استخارة مش اكتر. وبعدها شوفي قبلك مطمن لايه بالظبط او هتشوفي ايه فالمنام.

بس بجد الناس معاها حق لو انتي مش حاسة باي حاجة نايته غير انه صعبان عليكي يبقي لا معلش. احنا في مصر الزواج بيكون علي التساوي اجتماعيا ونفسيا. لو هو مريض نفسي يتجوز واحدة مريضة زيه وربنا يعافيهم الاتنين، او طبعا لو واحدة راضيه بيه.

Avocado_65688 🇪🇬 · Answer

العلاقات مينفعش فيها انها تتاخد بالعواطف...اتوجع شويه احسن ما اعيش طول عمري بعاني

Avocado_63640 🇪🇬 · Answer

عن تجربه ربنا يعافي كل مبتلي الحياه مع مريض نفسي وفاه اصلا
متعمليش ف نفسك كدة وهو ربنا يهون عليه
حاولي تبينيله ان سبب رفضك اي حاجة غير مرضه
عشان متحرجيهوش بس