Biscuit_65152 🇪🇬
منذ 5 ساعات
.
شعور محبط
ازيكم، انا كنت داخلة هنا عشان حاسة بالخنقة بسبب بعض الحجات اللي بتحصل في حياتي ورا بعض حسستني بفقدان الامل والشغف في الحياة وده مسببلي شعور شديد جدا بالذنب لان انا عارفة ومتربية علي ان كل انسان ربنا خالقه عشان دور معين وماخلقناش عبث وانه بيحبنا اكثر من اي حد واي حاجة في الكون مهما نغلط بس انا للاسف معتش عارفة اكتفي باني اشتكي لربنا في السجود او اني اقرا قرآن او اني ادعي كتير واكلم ربنا كانه قدامي... هو ده طبيعي؟ انا بحب ربنا اوي لدرجة بتخليني اتكلم معاه وانا قاعدة كدا كانه قدامي وبعتذرله لما اقطع كلامي او لما مابطولش في السجود عشان اتكلم معاه ... بس مش عارفة هو اللي فيا ده طمع؟ انا عندي الحمد لله اخواتي بيحبوني وبيدعموني اوي بس مش نفس الدعم اللي قلبي محتاجه طول الوقت اعذروني لو مشكلتي تافهة مقارنا ببقيت المشاكل هنا... ربنا يفك ضيقتنا كلنا يارب♡
7
14
