دايما بحس اني لازم اشتغل على نفسي اكتر محتاج اتطور اكتر فبسحل نفسي في كورسات و شغل و فيه اوقات بطبق باليوم و الاتنين بس مؤخرا الاحساس دا زاد بشكل غير طبيعي تزامنا مع اني في وضع مش عاجبني بتاتا حاليا لسة ناقل لشغل جديد بسبب اني صحيا و نفسيا تعبت من شغلي السابق بس مرتبه ضعيف جدا مقارنة بدراستي و مهارتي و لما حاولت اسيبه و اشوف حاجة غيره لقيت ان اصلا رينج المرتبات ضعيف فاضطريت اسفا اني اروح الشغل عادي و الوقت الفاضي اشتغل في شغلي القديم و كاني معملتش حاجة و تعبي على نفسي في الارض و حاليا عندي ٢٧ سنة و معنديش فكرة المفروض بالحال دا ازاي هقدر افتح بيت او اتقدم للي معجب بيها و من واجبي اني احافظ عليها و مخلهاش محتاجة حاجة هل هفضل في الدوامة دي و اني حاسس بالعكس و افضل اضغط نفسي و شيل شغل اكتر و بردو هفضل حاسس اني لسة مقصر و المفروض فيه حاجة اعملها بس مشعارف اي هي في سبيل انه ممكن حاجة تتحقق و لا المفروض اعيش اليوم بيومه و استحمل تأنيب ضميري و عذابه في اني متخاذل و ان فيه حاجة زيادة ممكن اعملها بس انا اللي متهاون

3

0