إحساس إني شخص Fraud ومش شايف نفسي كويسه

Question

إحساس إني شخص Fraud وكل الناس شيفاني مثاليه بيخليني عايزه أصرخ في وشهم.
أنا طول الوقت مش شايفه الشخص اللي الناس بتقولي عليه.. أنا بغلط كتير وبعمل ذنوب وكبا ر ربنا اللي عالم بيها وبحاول أبطل بس الموضوع صعب أوي 
ويجي الناس تقولي أنتي تستاهلي الحاجه الكويسه عشان انتي كويسه وأنا مش شايفه نفسي كده.. أو يقولوا إني Mature ونفسهم يتعلموا مني بس أنا مش قادره ومش عارفه أشوف نفسي كده

Tofu_19479 🇪🇬 · Accepted Answer

مش يمكن علشان ربنا رحيم بيكِ ساترك ؟
نعمة الستر نعمه جميله ولو ربنا رفعها عننا عمر ما حد هيشوف غيره كويس ومكانش حد هيحب حد
كلنا بنغلط وكل ابن آدم خطاء وخير الخطائين التوابون،حاولي تصلحي من نفسك علشانك وعلشان ربنا شايفك مش علشان الناس 
وعلشان لما حد يقول كلام حلو عنك تبقي عند حسن ظن الناس بيكِ تبقي من بره زي من جوه
ومتنسيش إن مش مهم الناس المهم رب الناس ف لازم نجاهد نفسنا علشان ربنا شايفنا من فوق

Popcorn_28628 🇪🇬 · Answer

كلنا عندنا عيوب وأخطاء، ومش لازم تكون مثالي عشان تكون شخص كويس. الناس بتشوف فيك حاجات جميلة حقيقية، حتى لو إنت مش قادر تشوفها دلوقتي. الأهم إنك تحاول تكون أفضل لنفسك، مش عشان حد تاني. خليك رحيم بنفسك، وإدِّيها فرصة تتعلم وتنمو بدون جلد ذاتي.