عندي احساس إني شخصية وحشة أوي والتفكير بينهش فيا

Coconut_21037 🇪🇬's منشور

Coconut_21037 🇪🇬

منذ 9 أشهر

شعور محبط

دائما عندي احساس أنه انا شخصية وحشة اوي .. زي زي اي بني ادم بعمل أخطاء كتير و بحاول اتوب عنها و برجع ارجعلها تاني .. اتمني من الله أن يتوب و يعفو عني منها .. بحاول دائما أنه امسك لساني عن الشتيمة و مش بحب اسمعها نهائي .. صاحبتي اتخطبت فرحتلها جدا جدا جدا من كل قلبي وبس من ساعة ما سمعت الخبر بقيت بقول و انا ليه لا .. هل بسبب أنه انا وحشة .. و لا دا عقاب ربنا ليا بسبب ذنوبي .. أنه أفضل وحيدة طول العمر !! التفكير دا بينهش ف نفسيتي و ف جسمي و ف عقلي .. لدرجة أنه مش بقيت بعرف أوقف بكاء ..

Broccoli_21025 🇪🇬

أفضل نصيحة

منذ 9 أشهر

+ بلاش تقارنى نفسك بحد وتقولى انا ليه لا اكيد ربنا هعوضك بلاش اشمعنا دى لان محدش عارف ظروف حد وبعدين كل تأخيرة وفيها خير.. وانتى مش وحشه ولا حاجه انتى بس صلى وادعى واستغفرى كتير وتوبى وكررى استغفر الله العلى العظيم واتوب اليه.. وكل ما ياجى الموضوع ده ف دماغك والتفكير يزيد افتكرى ان ربنا عنده الخير كله وادعى واستغفرى.. وربنا يرزقك الزوج الصالح ويهون عليكى يارب ويسعدك ويفرح قلبك ♡

Coffee_21028 🇪🇬

منذ 9 أشهر

مفيش حد مبيغلطش كلنا زي بعض بس بنجاهد أننا نبقا احسن نسخه مننا و كفايه أن ربنا شايفك بتحاول يعني + كلنا عندنا ذنوب بس ربنا ستار الجواز تأخيره يمكن علشان ربنا شايل حاجه احسن ليكي الفكره كلها ربنا يديك صبر بس

Cherry_20530 🇪🇬

منذ 9 أشهر

قل ي عبادي الذين اسرفوا علي أنفسهم لا تقنطوا من رحمه الله إن الله يغفر الذنوب جميعا إنه هو الغفور الرحيم كلما اذنبتي توبي وكلنا بنغلط محدش معصوم من الخطأ تاني حاجه الزواج أو الخطبه فهو رزق من عند الله ممكن يكون رزقك لسه مجاش كل تأخيره وفيها خير. اصلح الله حالك ورزقك من حيث لا احتسب وغفر لك ذنوبك 🤍

Broccoli_21025 🇪🇬

منذ 9 أشهر

عليكى بالاستغفار والدعاء ربنا غفور رحيم اعلنى التوبه وكترى الاستغفار كل ما توقعى ف الزنب صلى ركعتين واستغفرى ربنا وادعيه انه يقويكى وربنا عارف اننا هنضعف قدام الذنوب لكن الاستغفار اهم حاجه ربنا بيقول لو لم تزنبوا ل اتى الله بيقوم يزنبون فيستغفرون الله فيغفر الله اهم الاستغفار حاجه عظيمه وادعى كتير ان ربنا يعينك على الدنيا وحاولى تستحضرى عظمه ربنا وانه شايفك وقت ما ياجى الذنب او الشتيمه ف دماغك.

Potato_20840 🇮🇶

منذ 9 أشهر

يحبيني الزواج عمرو مكان في مجال للمقارنه فيه هو اي لانو انا وحشه حفضل وحيدة؟ لا يحبيبتي مفيس كدة ابدا والله وع ذنوبك ربنا حاشا انو يعاقب عبدو بلطريقة دي وانتِ مدامك تتوبي دايما انتِ مش حابه الذنب ده لكن النفس الاماارة بلسوء الي تنكسك في كل مرة ربنا الطف وارحم من امنه فينه مش ممكن يعاقبك ع ذنوبك ابدا والله بلطريقه دي انتِ مش وحشه وانا متاكدة انك زي القمر ومحدش فينه معصوم عن الخطا لكن انتِ دتتحاولي

French Fries_20904 🇪🇬

منذ 9 أشهر

استمري في الدعاء وجاهدي نفسك "وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا" بأكدلك ان طالما فرحتي لغيرك ورضيتي بتوزيع ارزاق ربنا هيراضيكي انتي كمان اوي ف صاحبتك انا عارفة انك فرحنالها وتفكيرك طبيعي لكن اتعودي دايما تقولي ما شاء الله تبارك الله ومتركزيش ف نعم ربنا ع غيرك وهتلاقيكي انتي كمان ف الوقت المناسب زي م اتمنيتي وربنا كرمك اكتر

التجربة أفضل عبر التطبيق

حمّل تطبيق توهيل على هاتفك لتجربة أسرع