نفسي ابقي حر مالي ومش عايز اشتغل عند حد

Broccoli_74160 🇪🇬

منذ شهر واحد

شعور محبط

موضوع:

ايه اكتر حاجة لو رجع بيك الزمن مش هتعملها؟

اجتهد واحوش عشان افتح مشروع وابقي حر مالي ومتجوزش بدري كنت اصبر عشان انا الي ربطني بشغلي دلوقتي اني اتجوزت ومش عارف اسيبو بس الحمد لله علي الي انا فيه وكان نفسي ابقي حر مالي مش عايز اشتغل عند حد

معنديش نية أخبط على باب اتقفل في وشي

معنديش أي نية أخبط على باب اتقفل في وشي أو أنا اللي قفلته ورايا، مش علشان جحود مني أو قادر وخلاص لأ عشان اللي اتقفل في وشي هو كفَى حاجته مني وتقديرًا ليا لايُمكن أرجعله تاني ولو رُوحي فيه، أما اللي أنا قفلته ورايا بيكون إدراك عن قرار واعي مني إني لازم أقفله وأمشي وبكون مُستعد لتحمُل مسؤولية القفلة دي أيًا كانت، ومببصش ورايا ولا أحب أبص تاني ورايا، فلا بابك نهاية العالم ولا قفلتي ليها رجعة. ...عرض المزيد

15 الدعم

6 نصيحة

الوحده مفيش أحسن منها.. والله بحب العزلة من صغري!

الحمدلله أن الواحد أدرك بدري بدري أنه مش بتاع علاقات و ينفع فيها انا لما بقرب من حد بعك الدنيا بيشوفني مدلوق عليه و اني مش هقدر اعيش من غيره منا مبحبش اعمل تقدير لحد انا مش فارقله اصلا بعتذر كتير و بخاف علي زعله بشكر كتير حتي علي الكلام بس و بفضل افكر في اللي قولته و ممكن امسحه أو اغيره خلاص يا معلم الوحده مفيش احسن منها والله بحب الوحده من صغري بلاقي فيها نفسي بكون انا مش محتاج اللبس ومش علشان اعجب حد بقول اللي بقوله لنفسي و اضحك عليه و بتبسط بنزل اتعشي لوحدي برا اشطا كله بقا في اللذيذ و اروح المكان اللي انا عايزه مش مضطر اروح في مكان علشان حد تاني مش مضطر امسك موبالي و ارد علي طول مش ملزوم اني ادي تفاصيل يومي لحد ولا اسأل علي حد قاعد لوحدي و كدا افضل انا الوحده عايشه فيا مش انا اللي عايش فيها. ...عرض المزيد

7 الدعم

2 نصيحة

زوجي بيتعرف على ستات ومش عارفة أتعافى

ازاي الست تتعافى من زوج مش بيبطل يتعرف على ستات.. عنده مليون مبرر انه مش بيسعى لكده وأنه مش حرام وإنه عادي بيتعرف عشان يتجوز وده من حقه مع انه مش في مقدرته ماديا أصلا يفتح بيت تاني وان مش من حقي أتضايق واني لازم اكبر دماغي عشان مياخدهاش عند ولازم أسيبه براحته ومدورش وراه مع اني ولا بدور وراه طول الوقت ولا بنيل وبتبقى صدفه بتخليني افضل فعلا أدور وحظي الأسود بحلم بيه أصلا في كل قصة وبشوف تفاصيل في الحلم حقيقية جدا.. أنا معدتش قادرة أعيش خلاص صحتى بتروح ودمي حاساه بقى مسرطن من كتر الغليان كل شوية واهملت ولادي اللي مليش غيرهم… ولا راضي يبطل ولا راضي يسيبني ابعد عنه واخد هدنة منه ابطل فيها حرقة دم وأفكر بهدوء أنا اقدر أكمل في الوضع ده وللا لأ… بقيت حاسه انه رابط رقبتي وقلبي بحبل تخين وملففني في مداره هو وبس لحد مافقدت هويتي وفقدت نفسي.. أنا إنسانة ابويا ميت وامي ربنا يديها الصحة إنسانة سلبية لا تاخد منها رأي ولا فعل.. وأخ وجوده زي عدمه.. ومعقده من حوادث تحرش وانا طفلة سنتين وكمان وانا في ابتدائي لحد إعدادي وهو عارف كل شيء واني في الدنيا بطولي مليش غير زوجي.. وهو بيعرف كويس قوي يلعب على احتياجي ليه النفسي واحتياجه ليا ويحسسني بالذنب لما بقرر ابعد وبيعرف يرجعني لحضنه تاني كويس قوي. ويرجع تاني يلففني حواليه بالحبل اللي على رقبتي لما خلاص فقدت هويتي وفقدت رغبتي في الحياة وفقدت الأمل انه يتغير وكل مبعد يرجعلي ويحسسني انه تحت رجلي ومفيش في الحياة غيري وكل مرة نفس المنوال. أنا نفسي حد يساعدني أتصرف ازاي عشان اتعافى من التعلق بيه ومن حبه ومن أفكاره المغلوطة وحياتي مع تصرفاته دي عشان اعرف اربي عيالي والاقي نفسي وصحتي وبالتالي اخد قرار صح في حياتي معاه. ...عرض المزيد

6 الدعم

9 نصيحة