اتهام كاذب بالمثلية وأنا في ابتدائي - مش حاجة مكنش ليا علاقة بيها

Question

مش حاجة مكنش ليا علاقة بيها بس كان اتهام كاذب، كنت في السعودية وانا صغير وكنت ف مدارس حكومي وطبعا ايام مكان في هيئة وبنات وولادة منفصلين المهم الفصل كان في واحدة كانت صحبتي بس لما دخلنا المدرسة قلبت وكانت بنت المديرة وكان كل الفصل بيتبعها طبعا اتهموني اني مثلية واني كنت ببوس واحدة معانا وطبعا حصلت مشكلة كبيرة وعملولي استدعاء وماما جت ومضوها تعهد وساعتها نقلتني من المدرسة بس طبعا هي مصدقتش بس عشان المشكلة متكبرش، انا بس مستغربة ازاي يجي في بال اطفال الكلام ده ساعتها كنت في تالتة ابتدائي

Marshmallow_69732 🇪🇬 · Answer

دا احنا مكناش اطفال بقا🙃

Ice Cream_63106 🇪🇬 · Answer

لا حول ولا قوة الا بالله
معلش يا بنتي انا كنت في مدارس هناك وعارفه الحوارات دي كتير عندهم شويه
وفيه مُدرسه مصريه اعرفها راحت تشتكي عن واحده منهم انها كده طردوها من المدرسه اصلا
معلش انتي اتظلمتي و عند الله تلتقي الخصوم

Pineapple_68397 🇪🇬 · Answer

مستغربيش لان ظاهرة البويه منتشرة بدول الخليج وبما اننا مصريين وهما بيحبونا خالص جت معاكي كدة واتهموكي سواء بتوجيه معلمه معندهاش ضمير او ولي أمر متخلف بيحصل والحمد لله ان الموضوع انتهي والأهم انك مش بتعاني من المشكله دي وإلا كان يبقي القصه أصعب

Watermelon_69693 🇪🇬 · Answer

لا الموضوع ده طبيعي جدا عندهم ده حتى لما كنت ارسم رسومات الاطفال بتاعة احب ابي واحب امي دي كانوا بيعملوا عليها مشاكل ويجيبوا ماما، حتى اخواتي الولاد كانوا بيقولوا ممنوع اتنين يمسكوا ايد بعض وهما ماشين ف الموضوع ده منتشر جدا عندهم

Watermelon_69693 🇪🇬 · Answer

الحمدلله ماما عرفت تحتوي الموقف ساعتها المشكلة فعلا أنهم اللي بيزرعوا فيهم كده وممنوع كذ وممنوع كذا والدنيا مقفولة يعني لما اتفتحت خربت فعلا

Watermelon_69693 🇪🇬 · Answer

الحمدلله بجد أنها مأثرتش فيا بس اكيد في ناس حصل معاها كده وممكن فعلا يتأثروا بالاخص ف العمر الصغير ده، الموضوع فعلا مؤلم لما بفتكر وصعبان عليا تفكير اطفال في كده بس مش مأثر عليا الحمدلله ماما عرفت تتصرف صح ساعتها

Ice Cream_63106 🇪🇬 · Answer

اه عندك حق اللي بيحصل في المدارس هناك كارثة قسم بالله كويس انه الموضوع خلص على خير لأنهم كان ممكن يعندوا

Watermelon_69693 🇪🇬 · Answer

الحمدلله والله

Pineapple_68397 🇪🇬 · Answer

تمام الحمد لله