جماعة انا اتخنقت والله من الموضوع ده انا ٢٢ سنة ،رابعة كلية،بس شكلي أصغر من سني يديني اني في تانيه ثانوي مثلاً، المهم مفيش حد يشوفني غير ويتعامل معايا كأني طفلة ،بالذات الشباب يعني بيتقالي جُمل المفروض لواحدة في سني تعتبر تحرش ! بس هما بيتعاملوا كأني عيلة ! بقيت مش بتعامل مع حد خالص يعني لا سوبر ماركت ولا طلب أوردر مثلاً وبرفض خالص لو أنا مع صحابي وهنطلب او نتعامل مع (رجالة) بحجة ان عندي رهاب اجتماعي ،بس أنا في الحقيقة بخاف دايماً من ردود الفعل معايا ويتقالي كلمة متعجبنيش . فبطلت أتعرض لمواقف من دي ،آخر موقف امبارح كنت عند دكتور الأسنان ،هو شاب لسة متخرج جديد يمكن مكملش٢٥ سنة ،في جملة من الجمل قالي أعمل حاجة كدة وفي آخر كلامه كلمة (يا جميل) ! اللي هو على أساس اني كتكوتة بقا صغيرة مع انه في أول الكشف عارف بشكلٍ ما يعني اني في الكلية الفلانية يعني أنا كبيرة على فكرة ! أنا زهقت والله وبتضايق وبعتبر ده عدم احترام وقلة أدب ودي مش أول مرة حد يكلمني بالأسلوب ده ،نفسي يكون شكلي كبير او على الاقل يبان عليا السن ،محدش يقولي ان انتي اللي فيه حاجة كويسة،لا يا جماعة محدش حاسس بيا ! أنا عاوزة حل ....

4

0