و انا صغيرة بتاع ٨ سنين او اقل كمان ، كان ابن عمي أكبر مني ب ٣ سنين ، في حدود ال ١٠ سنين او حاجه مش فاكرة اوي المهم أن ابن عمي ده كان مريب جدا ومازال ،واحنا صغيرين كنا لما نيجي نلعب في الأغلب كانت بتكون تمثيل انا و قرايبي ، كان دايما بيختار يكون معايا و زي العيال الصغيرة كنا بنعمل اللي هو كأننا اسره وكده، وقتها كان بيقعد جنبي و ينام و يقعد بحضني و يبوسني و حاجات مريبه الحقيقه ، المهم وقتيها كنت صغيرة لكن كنت حاسه بعدم الأمان أو أنه فيه مشكله ف كنت دايما بقوم فيه يوم كان هو و أهله عندي في البيت ، و دخلنا الحمام انا وهو و كان عايز يشوف جسمي وانا اشوف جسمه ، وكان قايلي من باب الفضول ، و فعلا حصل بس وقتيها مامتي خبطت على باب الحمام و طلعنا انا الحقيقه مش عارفه انسى الموقف ومش عارفه اتعامل معاه عادي ، انا مش عارفه هو فاكر ولا لا ، بس انا فاكره ، و فاكره كل حاجه بالتفصيل لما كبرت شويه حكيت ل مامتي، و ماما وقتيها مدتنيش رده فعل ، هي حرفيا قالتلي "عادي يعني يا.. ده كان عيل صغير " الجملة ضايقتني اوي ، لان ماما عمرها ما اتصرفت كده ، وحسيت أنها مش مصدقاني مع انها فعلا عارفة أنه وحش و عارفه أنه بتاع بنات و أنه مش كويس أخلاقيا ولا اي حاجه انا مبقتش عارفة اتعامل معاه طبيعي في التجمعات العائليه ، هو كده كده بيسترخمني ، و بيفضل دايما بنات عمي عليا و بيقعدوا يتكلموا وانا في جنب بس انا اتضايقت من امي ، و اتضايقت منه ، و متضايقه من نفسي مع اني كنت صغيرة و الحمد لله الموضوع متطورش ، لكن بصراحه حاسه بإحساس وحش اوي من ناحية ماما بالذات ، يعني كان المفروض تاخدي جنب ، على الاقل تحضني لاني جمعت حرفيا كل ما أوتيت من جرأة عشان احكيلها حاجه زي كده

0

20