أهلي مؤذيين وبحبهم.. معادلة صعبة وقاسية

Nutella_56618 🇪🇬

منذ 3 أيام

شعور مكسور القلب

إدراك أن أهلك مش صح علطول زي ما كان بيتقالك و إدراك أنهم مؤذيين عادي و إدراك أنه اتزرع جواك حاجات مش صح صعبه و قاسيه جدا مش عارفه اصدق أنهم مؤذيين و اني بتأذي منهم طول حياتي عشان انا بحبهم و هما عملوا ليا حاجات حلوه كتير بس للأسف الأذى بتاعهم خلاني معنديش الثقه الكافيه في نفسي و مع أول حد حسيني بالأمان وقعت من سابع سما لسابع ارض دايما حاسه اني لازم اجري و احقق إنجازات مع أن لسه 19 سنه بس عملت حاجات كتير اكبر من سني بس برضو للاسف محدش منهم شايف ده ولا مقدر ده بيبصوا بس على الناقص و العيوب و المشاكل و مفيش تقدير بس بتحاسب لو فشلت معادله صعبه و قاسيه

معرفتش أحب أمي بعد ما عرفت إن أبويا طلقها

من فترة مش قريبة كنت قاعدة مع خالتو وبنتكلم عادى وبدانا نتكلم عن امى وابى وعن مشاكل فى بداية جوازهم وكدة وحكتلى ان ابى كان طلق امى وانا عندى سنة دى كانت اول مرة اعرف الموضوع ده ومحدش من اخواتى يعرفه ولا حتى امى وابى يعرفوا انى عارفة خاالتو قالتلى ان امى رجعت وقتها عشانى سااعاات كتيير بقول ياريتها ما رجعت ،وساعات اقول طيب لو هى مرجعتش كان هيكون وضعنا ايه دلوقتى ..كانت اكيد هتتجوز ..طيب الراجل دة كان هيكون طيب ولا لا غصب عنى انا مش بحس ناحيتها بحب ،انا حتى مش عارفة احبها ازاى ..هى مضغوطة والضغط اللى عليها بقا يتنقل لينا بشكل سلبى اووى وماثر علياا بغبااااء بحس بالذنب لما بحس انى مقصرة معاها برغم انها بتضحى كتييير عشانى وساعات الموضوع مش بيكون فارق وساعات بردو اى خناقة بين ابى وامى او حتى لو حوار عادى وبدا صوتهم يعلى بحس انهم هيتطلقوا تانى ..خصوصا ان سبب طلاقهم الاول حرفيااا مش سبب ..هما اتطلقوا من غير سبب تقريبا التفكير انهم يتطلقوا تانى بعد ما كبرنا ونكون فاهمين او انهم يخيرونا بينهم هيبقى صعبب اوووى ...خصوصا انه مش مبنى على حب انا مش هختار حد فيهم عشان بحبه لا ..احساس بالذنب مش اكتر عااارفة ان كل دة باذن الله مش هيحصل وانهاا كلهاا افكار بس ساعات بحس انى لازم احكى علاقتى بابى بردو سطحية جداا ممكن نتكلم مع بعض عادى مش بخااف منه مثلا الا اوقات بسيطة بس عمرى مثلا ما هروح احكيله لو زعلانة او كدة بحاول مفكرش فى اى حاجة سلبية بس ساعات غصب عنى دماغى بتدور ...عرض المزيد

1 الدعم

0 نصيحة

صراع بين مشي وفضلي علشان ماما

انا عشت في بيئة مسممه اب طول الوقت خناق ضرب ل أتفه الأسباب خناق مع ماما دايما لحد انهاردة 20سنة ع نفس الحال ممكن يكون اتغير شوية معانا لاننا عياله بس مع أمي نفي الوضع مش عارفه اتعامل طبيعي علشان دي أمي و اللي يزعلها يزعلني صراع طول الوقت بين اني عاوزة امشي و بين اني عاوزة افضل علشان ماما و علشان متصدمش من اللي بره شعور مرعب مخنوقة طول الوقت و عاوزة اعيط ...عرض المزيد

1 الدعم

4 نصيحة