عارف إحساس إنك بقيت فاقد للحياة؟ فاقد للشغف وللطاقة وللمشاعر.. مبقتش عارف تتعاطف مع حد، ولا عندك طاقة تكلم حد! مبقتش حاسس بالسعادة، ونسيت كانت بتبقى إزاي أصلًا! وكمان فقدت الأمل في إنك ممكن ترجع تبقى مبسوط تاني! بقيت مهمل.. في نفسك وفي علاقاتك وفي مستقبلك! بقى خُلقك ضيييق أوي، ومتقدرش ترد على حد ولا تُجري مُحادثة لمدة 5 دقايق متواصلة أصلاً.. ويتهموك بالتقصير والتقصير والإهمال في حقوقهم عليك، طب وأنا فين حقي؟ طب أنا فين أصلاً؟ أنا مش عارفه! ليه قلبي بقى يعيط لوحده؟ ليه صعبانة عليا نفسي!؟ ليه مبقتش قادرة أقوم من على السرير أمارس حياتي ونشاطاتي اليومية؟ بتدلع وبتمرقع ولا مالي؟ في إيه؟ وإيه السبب؟ أنا معنديش أي فكرة..

1

1