بخاف من كل بداية وده بيضيع مني حاجات كتير

Biscuit_71393 🇪🇬

منذ 3 أيام

شعور مرتبك

عندي مشكله اني بخاف جدا و بتردد دايما وده بيخليني اضيع حاجات كتير اوي بخاف من كل بدايه في أي حاجه فاكره اول يوم في الكليه حضرته خوفت حسيت اني لازم احول من الكليه وفاكرة لما حاولت اشتغل برضه من اول يوم اتقفلت جدا وحسيت أن لا مش مكاني نفسي اعرف شعوري ده اسمه ايه و اغير ده في نفسي ازاي انا معنديش تورما من اي حاجه حصلت علشان احس المشاعر ديه حاجه نابعه من جوايا

مشكلتي مع الثقة في نفسي والخوف من اتخاذ القرارات

انا مشكلتي هي انا.... انا اللي مش عندها ثقة في نفسها تماما في كل حاجة لا في شكلي و لا في نفسي و ذوقي و لا قراراتي و لا اختياراتي و لا اي حاجة بجد.... دايما مترددة و قلقانة و عايزة حد اللي يختار ليا و يقرر ليا عايزة حد هو اللي يقول أيوة ده و بكره في نفسي حتة التأثر ، انا ممكن اكون عايزة حاجة بس كلام اللي حواليا يأثر عليا و يشككني في نفسي و في اختياري ده أن هو ممكن يكون غلط لازم افكر تاني كمان فكرة أن بحس أن انا بدور علي مبررات للاختيار يعني الشخص الطبيعي بيفكر و يلاقي اسباب ف يختار ، انا لا انا مثلا عرفت أن ده الصح ف خلاص هختاره و اقنع نفسي بقي بالأمر الواقع أن ده الصح و يمكن و يمكن و افضل افكر و افكر و مش بخلص، و ده غلط و مش حباه في نفسي، وصلت لسن أن خلاص لازم انا اخد قراراتي بقي بنفسي ، بس بخاف اخد قرار غلط اضيع بسببه ، عارفة أن كلنا لازم نغلط علشان نتعلم و نسأل و تستشير و بعمل ده ، بس فكرة الخوف دايما هي اللي بتسيطر عليا وقت الاختيار بالذات، بخاف اختار حاجة اندم عليها و ابقي بوظت الدنيا، ده حتي القرار المصيري اللي مش ينفع حد ياخده غيري مش عارفة اخده، كبرت و وصلت لسن الجواز و خايفة اختار شخص غلط من كتر اللي شايفاه حواليا ، شوفت اللي اختار عن حب حصله ايه و اللي اختار بعقله بس عايش ازاي، خايفة اختار الشخص اللي بحبه اندم و اكون ضيعت حد تاني كان ممكن يكون احسن مع ان الشخص اللي بحبه ده كويس بجد و محترم بس خايفة، و في نفس الوقت خايفة اختار بعقلي اندم و اعيش بقيت حياتي ضيعت من ايدي اللي كنت حباه و ابقي عايشة قلبي مش معايا و مش مرتاحة و اظلم حد تاني و اكون ضيعت مني حبي اللي كبر جوايا سنين بيني و بين نفسي و طلع هو كمان بيحبني و اتقدم ليا، اسفة عارفة أن ده كلام كتير و مش مرتب و حاجة صعبة بس كنت محتاجة اتكلم و افضفض يمكن حد يقدر يفهمني و يساعدني، ف اسفة علي كل الكلام ده و التوهة دي.... ...عرض المزيد

5 الدعم

10 نصيحة

مشكلتي مع الخجل والتردد والخوف من الرفض

انا مشكلتي اني خجول جدا جدا اتا اتربيت بشكل منعزل شويه معنديش اقارب حوليه ومعنديش صحاب او اي حد من سني فقط ابويه وامي وفرق اكتر من ٤٠ سنه وكمان اول تعامل بيني وبين بنت من أقربي او كدا كام وانا عندي ١٤ سنه يعني بكون مكسوف جدا واتا بكلم اي بنت حتا لو في السوبر ماركت فدا خلاني عني مشكله متفرع منها جزءين لو حد عاوز اطلبت منه حاجه مبعرفش وبحسب للخطوط ١٠٠٠ مره حتا لو عاوز اقله هتلي كوبايه ميه ولو بنت من أقربي بحسب للخطوط ٢٠٠٠ مره وبخاف من فكره الرفض بس مس في الحب .. مثلا انا كنت شغال معا ابن خالي كنت لما احب اخد حاجه من المحل كنت احسب كل حاجه وسعات اتردد كتير برغم اني واثق في انو ديمه هتديني الي انا عوزه .. عاوز اعرف ازاي اتخلص من التردد والخوف والكسوف وان حد يرفض انو يعطيني او يجبلي حاجه ...عرض المزيد

2 الدعم

4 نصيحة