مساء الخير يا إخواااااااااااااتيييييييييييي.... عايزه أحكيلكوا حاجه ومحدش يطنش قولوا رأيكوا ف الموضوع وبالذات الشباب..دلوقتي هي أختي مطلقه بسبب إن زوجها كان بيضربها ومره كان هيموتها واستحملته كتير بس ف المره اللي كانت هتموت فيها قررت تطلق وبالفعل اتطلقت وبعدها ب ٣ سنين اتخطبت والمفروض إن فرحها كمان شهر إن شاء الله،خطيبها أول مره يتجوز يعني مش متجوز قبل كده وهو عادي معندوش مشكله واتقدملها وعارف ظروفها وهي مجابتش عيال من اللي كان زوجها ده ،المهم بيتلككلها وبيتخانق من أتفه الأسباب يعني بجد مفيش أسباب تستدعي الخناق وبيكلم بنات كتير وبيخونها وعلطول بتسامحه وعقليته وحشه جدًا اتناقشت معاه قبل كده ومعندوش مشكله إنه يضرب مراته وكمان بيقول فيها ايه لما أكلم بنات ايه المشكله هي لو واثقه ف نفسها مش هتزعل وأنا كده ومش هتغير ولو اتأخرت ف تجهيز الأكل لما بيكون معزوم عندنا بيتخانق خناقه كبيره وبيتخانق معاها علشان بتسيب النت مفتوح ف الفون وتنام ولو ف مره سهرت بيتخانق وآخر حاجه حصلت واحده بتكلمه ف شات وبتقوله أنا حلمت بيك إنك بتتخانق وبتضرب ناس وأنا كنت واقفه وكنت عايزه أفهم مالك بس أنت مش شايفني وأنا نادر لما بحلم وأحلامي كلها بتتحقق وخلي بالك من نفسك وربنا يكملك على خير وهو حاطت الاسكرين بالكلام ده وحاطت عليها أغنيه كياده استوري بمنتهى البجاحه!وكمان البنت دي بتكلمه الساعه 2 بالليل بعتله قولتله ليه كده وازاي تعمل كده قالي ملكيش دعوه ومتدخليش ودي واحده متجوزه ومعاها عيال ونفسيتها تعبانه! بالله فيه واحده متجوزه محترمه تكلم شاب خاطب الساعه 2 بالليل وتقوله حلمت بيك وأنت مكنتش شايفني ف الحلم وخلي بالك من نفسك وربنا يكملك على خير؟ طبعًا ده مش أول موقف ده مره رن على واحده قدامي أنا وأختي من بجاحته وبتدلعه وبتقوله يا بودي بصوت مايع نصحت أختي كتير تفركش بس هي متعلقه بيه تعلق مرضي وهي بالفعل كذا مره بابا يكلمه ويقوله إننا ننهي الموضوع وكل شيء قسمه ونصيب ويقعد يتحايل وببوس الجزم وهي تصفاله ومبيكملش يومين وبيرجع أوحش م الأول رغم إنها كررت عليه وقالتله كتير أنا مش غاصباك عليا لو مش عايزني نطلع من حياة بعض بالذوق والاحترام وكذا مره تنهي كل حاجه ويرجع يتحايل ويتذلل وبتسامحه المفروض دلوقتي تعمل ايه بجد يعني حرفيًا كل ما بتنهي وبتقول خلاص نفركش والله بيتذلل وبيفضل يتحايل ويقول مش هقدر أتجوز غيرك وبحبك وبلا بلا بلا طيب لما أنت مش عايز تفركش ومتمسك بيها ليه بتعمل كل ده ما لو مش عايزها سيبها ومتفضلش متمسك وتفضل تتحايل لما تيجي تفركش!

4

20