مساء الفل محدش عارفني هنا فهتكلم براحتي انا مدمنه بتعافى من ادمانات عليها وصمة عار فالمجتمع انا عارفه أهمية المشاركه،مشاركه المشاعر،دي مهمه في التعافي،بس بخاف من الحكم فاوقات كتير بحاول اتحلى بالامانه وانا بتكلم مع زمايلي المدمنين بس ...مش بعرف أشارك الحقيقه كامله ،الخوف من الحكم كبير عندي ،هو اللي مخليني أبطل كتابه،وأنا بحب الكتابه جدا بس ،لما بصيت لنفسي بنظرة المنتقد،كرهت كتاباتي وخفت حد يتصل لفني بالنظره دي خايفه يكون حتى يمون حد اعرفه هنا،انا مش بعرف ابص لنفسي،اقصد ب ابص لنفسي يعني اني اشوف عيوبي بدون جلد ذات،واشوف أخطاء الناس ف حقي بدون عيش دور الضحيه،مش بعرف اعملها،ولا اعرف اوزنها.. مليانه بالتعقيد فعلا،وأنا مش لوحدي،في ناس كتير نفس دماغي دي واقربهم المدمنين اللي شبهي ،كلنا نفس الدماغ،بنفس طبقات المشاعر بعمقها،هو انا واحشني الولد اللي كنت معاه بس سبته ولا ان واحشني الشعور المرتبط بيه؟.بييجي على بالي كتير ،بعيد ذكراه رغم اني مسحت كل حاجه تخصنا،بس برضو،لسه بفتكر،وبحن.. بس لا انا لو رجعت هرجع لنفس العذاب النفسي تاني وانا مش هقدر على ده...

2

4