عمرى ما هقدر أنسي يوم وفاة تيتة كأنه امبارح

Question

تيتة اتوفت من سنتين عمرى عمرى عمرى ما هقدر انسي اليوم ده كإنه امبارح من صويت ماما لما حالها الخبر و احنا بنجهز عشان ننزل الشغل لصوت دموعي أنا بستأذن انى مش هاجى الشغل لنزولنا ع السلالم و مشينا ف الشارع و احنا بتعيط ف التاكسي و السواق يهدينا لحد ما وصلنا المستشفي ملحقناش نشوف تيتة غطوها بملاية و نزلوها المشرحة و وقوفنا قدامها و لحظة دخول امى عشان تودعها و عياط ولادها وإصرار ماما تركب معاها ف العربية و عياطنا طول الطريق و صلاة الجنازة و الدفنة أنا مش قادرة انسي انى منمتش اليوم ده مكونتش مصدقة انى مش هترمى ف حضنها تانى ولا هسمع دعواتها ليا

Avocado_63956 🇪🇬 · Accepted Answer

استهدي بالله و كل يوم تقريلها ولو صفحة من المصحف عشان يبقى في صلة مستمرة بينك و بينها باستمرار ولو في اي حاجه ابعتي واحنا جنبك 
ربنا يرحمها ويغفر لها ويسكنها الفردوس الاعلى يارب

Apple_67479 🇪🇬 · Answer

ادعي ليها 
ربنا يرحمه ويغفر له ويسكنه فسيح جناته يارب العالمين

Orange_67708 🇪🇬 · Answer

انا مش شخص داخل يواسي انا مجرب كل ده فأجدادي ووالدتي وعمتي وخالي وصحابي الي فسن العشرين او حتى التلاتين كلهم مشيو منغير سلام .. واكيد كل دول غيروني كتير وخلوني ابتسم اكتر وافكر فيها بمنظور تاني ان احنا حتى لو مش هنشوفهم هنا حوالينا فا لازم نكون احسن نسخه من نفسنا عشان يجي وقت ونحصلهم او نتمناهم معانا وساعتها هنقدر نشوفهم حوالينا .. بفتكر والدتي ابتسم وابص لفوق واقول ربنا يرحمها .. مفيش حل تاني ❤️

Apple_63307 🇪🇬 · Answer

حرفيا اسوء احساس انا والله مدمر بسبب الحاجات دي امي توفت شوفتها منوفيه بس كنت صغير اول مره كنت اعيط 
عمتي اللي هيا تعتبر امي توفت وأنا ف الشغل 
لحظه إدراك انت بتحري علي طريق واهلك بيكلموك بيعيطو داخل البيت يقولو عمتك ماتت حرفيا بنفس اللفظ استحملي ازاي
جدتي اللي كانت سري معاها وحياتي معاها كنا قريبين من بعض اكتر من اتنين صحاب راجع من الكورس عشان ادخل اكلها اصحيها مصحتش 
لا نقول الا ما يرضى الله