دلوقتي عايزه نصيحه من حد ( شاب ) ناضج بجد لأني مش فاهمه حاجه أنا كنت مرتبطه بزميلي في الجامعه من أول سنه و معظم الناس عارفه انه بيحبني و قد ايه حاول يوصلي و أنا مره اصد و مره أقوله احنا صحاب و أنا عارفه ان دا كان غلط ربنا يسامحني عليه ارتبطنا بعلم اهلي و أهله و اتفقنا انه هييجي يتقدم بعد فتره و الأمور كانت مرضيه من سنتين حصلت مني غلطه مسِّت كرامته ، و سيبنا بعض و صحابه قالوله مترجعش بس بعد فتره رجعنا احسن من الاول ، من شهر تقريبا بعتلي مسدج كبيره جدا عن قد ايه هو مش قادر ينسي الي حصل و انه هيمشي مش ضعف منه بس عشان يلحق الجزء الي باقي منه و اني استنزفته في العلاقه دي نفسياً و انه كان قاعد مع صحابه و لما عرفوا انه رجعلي صاحبه قاله انت معندكش كرامه انت نسيت الي حصل و و و طبعا انهارت و طلبت منه ميسمعش لحد و يفتكر الحلو و يفتكر قد ايه احنا كنا كويسين الشهور الي فاتت بس بلا جدوي رده كان بارد و انهياري محركهوش و لا كان رحيم ب اي شكل من الأشكال كان الأيام الي عشانها حلوه دي اتبخرت و شالني من كل مكان إلا الواتساب حاليا هو مبيفوتش ستوري واحده غير لما يشوفها و اول واحد عندي بيشوف الستوري ، البوستس الي بيحطها عباره عن الايجو و الكرامه و انه كسب نفسه و انه ممكن يحب كتير جدا و يكره في وقت قليل ، عاوزه اعرف هل دا منطقي هل فعلا نسي ؟ ولا بيحاول يرد كرامته ؟ و لو نسي بيعمل ايه عندي ؟ أنا مبتواصلش معاه اطلاقاً ولا حتي بشوف اي حاجه تخصه بس تصرفاته متضاربه عايزه بجد شاب كبير يقولي الإنسان الي كان في حياتي دا دماغه فيها ايه و ايه التصرف دا خصوصا ان الولد دا ودني جدا و كلام صحابه بيهمه جدا شكرا

3

0