مشاعر مختلطه

Potato_71954 🇪🇬

منذ شهرين

شعور مرهق

عرفين شعور انك على طول وحيد بس انت عندك اصحاب و تضحك معاهم و بتهزر بس مش حاسس بالسعاده بجد و انك على طول منسي...احياناً لما بتكلم مع صحابي او اهلي بحسهم مش مهتمين و بجد هما بيكونو مش مهتمين تقريباً عشان...معرفش صراحه ليه، مع اني بحب انصح و احكي و اهزر مع الناس كلها و بحبهم اوي اصحابي و اهلي بس...هما

Strawberry_70563 🇪🇬

منذ شهرين

شعور مستنزف

عبّر عن شعورك بشكل مجهول

كنت اعرف حد بقالى سنتين بس كنا بنقعد نتكلم اسبوعين ونبعد بالشهور. المهم ان أول ما عرفته كان في بينا مشاعر او كنت فكراه يعني هو عنده مشاعر ليا بس انا فعلا كان عندي مشاعر ليه المهم قعد مع الوقت يحاول يستدرجني فى حاجات مش كويسه صور و هكذا بس انا كنت بعارض لغايه ما عملت كده بس كنت بعت مره واحده ما عدا فى مره بعتها عادي . جه من فتره قريبه بعد السنتين ما عدوا رجع يتكلم معايا عادي جدا وبطريقه حلوه على غير عادته واعترفلي ان معاه حاجات ليا وقالى انا مقولتلكيش عشان عارف انك ماكنتيش هتوافقي يبقوا معايا المهم اني قولتله اني مش حابه ده وامسحهم وان الموضوع قالقني فا قالى وانا محترم رغبتك عادي و همسحهم وحلفلي فعلا بده اكتر من مره و قالى مش حابب تبقى خايفه مني و انت عارفه ان عمري ما هأذيكي ولو كنت عايز ده كنت عملت لما كنت بترفضي الموضوع .بعد ما اتأكدت من انهم مسحهم بعدت عنه و ندمانه جدا طول السنتين دول على الى حصل بينا وساعات بخاف انه ممكن يكون معاه حاجه ليا. انا عارفه طباعه وعارفه انه كان بيعمل كده لمجرد انه عايز يتبسط هو مش عايز يأذي حد بده ولما لقى اني معترضه مسح بس انا دماغي مش مبطله قلق و خوف ودعيت ربنا كتير وتوبت من الموضوع ده بس مش عرفه اعمل ايه

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Cookies_68499 🇪🇬

منذ 3 أشهر

شعور مكسور القلب

ي جماعه بتتخطوا ازاي انه صديقتكم المقربه اوقات بحس انها بتخبي عني مع اني بحكيلها كل حاجه حرفيا ( بصراحه معنديش دليل بس دايما حاسه كده وف العادي احساسي بيبقى صح) المهم انا بحس دايما اني متعلقه بيها بشكل كبير اويي بجد عايزه اقلل من ده ف لو حد يعرف ازاي او جرب موقف زي ده يقول وشكرا مقدما

Mango_65830 🇪🇬 اسمع الحوار دا :- -صديق خير وصالح وكمان كويس منشيبوش ولكن نتعلق بالاعلى منه تدريجيا هيوصل لمكانته الطبيعة بدون تقليل -من هو الاعلى من الجميع هو الله -ايه يعم شغل الايمانيات دا هو بالضبط كدا نقرب منه طاعات وحاجات حلوة نفسيا وجسديا هتبقى مرتاح اه ماشي نجرب خلاص بالتوفيق

عرض الكل 7 نصيحة

Strawberry_69629 🇪🇬

منذ 3 أشهر

شعور آسف

موضوع:

بعدت عن حد قبل كده وهو بيحبك?

للأسف أيوة شخص حبنى جدا من كل قلبه وكان مستعد يعمل كل حاجة علشانى لكن أنا مكنتش متقبلاه للاسف مش عارفة اظلمه لما حسيت أنه بيحبنى عملت كنترول وقلتله انى مش عارفة الظلمه من البداية لكن هو حبنى وحب من طرف واحد مهلك والله 💔💔 وما زال بيحبنى وانا مش عاوزة اظلمه معايا علشان مجربه الظلم دة اوى واتكويت منه

Blueberry_56822 🇪🇬

منذ 3 أشهر

شعور مرهق

يا جماعه في حد انا في علاقه معاه من شهرين و فالأول كنت بحبه بس مع الوقت في كذا صفه فيه مش عاجباني ومش حاسه انه شبهي فكريا ولا فالشخصيه و مش حاسه انه الشخص المناسب و عاوزه اقطع العلاقه دي بس المشكله انه متعلق بيا اوي لدرجه غريبه اكتر من الطبيعي وانا مش عاوزه اكمل ومش عارفه اعمل اي ومش هينفع اقولها بط

Durian_68265 🇪🇬

منذ 3 أشهر

شعور شاعر بالملل

موضوع:

بعدت عن حد قبل كده وهو بيحبك?

مكناش ف علاقه حب كانت صداقه تقريباً وكان شبه فى حب من ناحيتو من طريقه كلامو وتلميحاتو وطان فرق السن بينا كويس ف بعدت فجأه لأن حصل معايا مشاكل هنا من عيلتى مكنتش بسببو بس مكنتش عايزه مشاكل تانيه وكان معايا رقمو ودخلتلو بعد فتره كبيره جدا تقريباً كانت سنه وكان لسه فاكرنى عكس توقعاتى خالص كانت النيه ان

Biscuit_68226 🇪🇬

منذ 3 أشهر

شعور مستنزف

انا عندي ٢٥ سنه كنت مرتبطه بشخص وانا عندي ١٧ سنه وهو ٢١ .. هو حاليا ٢٩ المهم انفصلنا وهو مش مناسب لا اجتماعيا ولا ماديا ولا دراسيا ولا اي حاجه في الدنيا وانفصل عني عشان هدخل تالته ثانوي .. وعشان ميأثرش عليا وانا كنت عاوزه اهرب منه صراحه هو قالي (( مش عاوز اكلمك تاني) انا فاهمه عشان بدايه السنه بس

Carrot_67634 🇪🇬 لأ مترجعيش تكلميه تاني، دا هيزود أمله، وهيزود مشاعره تاني، هيحس إنك خدتي بالك مش هيركز فكلامك، وهيركز إنك بعتيله حاجة، الأفضل فعلًا تعملي بلوك من سكات و مترديش عليه لو بعتلك من أي أكونت، عشان لو عايزاه يتخطاكي بجد الأفضل تقفلي كل الأبواب عشان يقتنع انه خلاص ويفوق لنفسه

عرض الكل 15 نصيحة

Mango_67847 🇪🇬

منذ 3 أشهر

شعور ضائع

انا مش فاهمه نفسي اوقات احس اني حلوه اوي و فيا حاجات كتير حلوه سواء شكل أو شخصيه و اوقات لا خالص و اغلب الوقت بكون مش مرتاحه ولا راضيه لا عن شكلي ولا لبسي بحس ان في حاجه نقصاني بفضل ابص علي شكلي و اقول ما انا لو كنت احلي لو كان شعري كذا لو كان لبسي كذا ، عايزه اعرف ازاي مبقاش كدا و ابقي واثقه في نفس

Sugar_66560 🇪🇬 خليكي مع الناس الي بتحترمك وتقدرك وتشوفك حلوه وباقيه عليكي ومتبصيش لحد وخلي عندك ثقه ان ربنا خلقنا كده وفي احسن صوره وحشه او حلوه المهم الي جواكي ايه

عرض الكل 6 نصيحة

Coconut_15725 🇪🇬

منذ 3 أشهر

شعور مرهق

أنا لسه متخرجه وانا وأهلي عادي اوقات بنتخانق بس الخناقات الطبيعيه وأوقات الشيطان بيصورني اني بكرهم او أتعصب منهم بس ف سرى وارجع اندم اوى من جوايا نزلت شغل حاسا بالذنب اوى من نحيتهم بجد حسيت اني عايزاه اثبت نفسي بس ف نفس الوقت حاسا بالذنب اني بقيت نص يومي برا وبرجع انام ومش بشوفهم زى الاول حسيت بالإح

Mango_55500 🇪🇬 الحياه ابسط من كدا بكتير شوفي الخلاف اي وحليه حاول تشبعي منهم وحتي ف شغلك اتصلي اسالي عليهم دول اهلك وسندك

عرض الكل 4 نصيحة

Carrot_65356 🇪🇬

منذ 3 أشهر

شعور متوتر

في حاجه مديقاني هيا اني انا خاطب من شهر 12 معا اني خطيبها من 7 شعور مش حاسس نحياها ب اي حاجه و من شهرين اتعرفت علي وحده بالصدفه و اتعرفتا علي بعض لدرجه اننا بنتكلم اكتر من مره في اليوم و بقيت بحس اني لو مكلمتهاش اني في حاجه نقصه و هيا بتقول انها بتحبني معا العلم أن هيا مخطوبه و انا مش عارف اخد قرار

Cookies_58401 🇪🇬

منذ 3 أشهر

شعور مرتبك

عبّر عن شعورك بشكل مجهول

حبه نصيحتكم انا بنت طول عمري رافض فكرت الارتباط او اكلم شباب و كدا فا انا اخر فتره معرفش مالو تفكيري و دماغي ابلكيشن زي ده محدش بيعرف انت مين اتعرفت ع شخص بطريق غريبه اووي بجد و بدايتها كانت غلط بس بعدها معرفش الي بجد خلني ضفتو برايفت و كدا و حرفيا كان كلامنا او كلامي انا ب الاكتر صياح عن المعنى الي بعيشها ف يومي و كام المسؤليات و كدا و كنت بختفي حبه لان انا م حبه اعلق نفسي بحد بس هوا جه قالي انتي من كلامك باين جدا تربيتك و اخلقك و كلام ده و انا كلام ده مجاش معايا سكه ولا صدقتو بس حصل كذا حاجه تخليني فعلا اصدقو و حتا يعني م زي اي شاب اصر ابعت صور ليا او اي حاجه من كلام ده كلو بل بلعكس محترم تفكيري و راي جدا جدا يعني و لقتو بيقولي مرا واحده انو عايز يجي يتقدم و كدا و برغم انو ميعرفش عني اي حاجه انا اعرف حاجات كتير بس هوا انا بنذبالو مجهوله ميعرفش غير الي بوصلهوله من كلامي من الاخر و هوا قالي كدا انو عايز يتقدم و الي فهمتو م حبب نتكلم كتير ولا اكلام ده كلو خير لكا يكون بينا حاجه رسمي و بردو وجهة نظر تحترم بس الفكره الي مقلقاني منو اولا انو شخص من السوشيل و وثانيا اختفاء المفاجه ده غريب و بيجي يقولي كدا احسن لحد ما يبقا بينا حاجه رسمي طيب و ثالثا هوا عايز الخطوبه تبقا فتره قصيره و دي حاجه بجد بجد مخوفاني اووي و حاجات تانيه كتير زي انو هيبقا زي جايب الاجهز الكهربائيه و محدش بيعمل كدا ف الوقت ده و انو نسافر و م نسافر برا الي هوا حاجات كتير بحسه غريب و ف حاجات بطمني لي و انو عمرو ما اصر ع حاجه انا م حبها او عرفه انها غلط وانو بيحترم راي بس بردو انا حسه ف حاجه غريب بجد

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Strawberry_64200 🇪🇬

منذ 3 أشهر

شعور ضائع

عبّر عن شعورك بشكل مجهول

انا مش من نوع البنات اللي بتكلم شباب عادي، غير لما يكون موضوع مهم. 
بس وانا في تالته ثانوي كنت في درس (مخطلت بي الولاد قدام والبنات ورا) وقاعدة عادي حسيت كأن في حد بيبص عليا  اتلفت ملاقيتش حد ولا حاجه، المهم الموضوع حصل تاني بس بصيت لقيت ولد بيبعد عيونه بسرعه،قولت ممكن بالغلط، وبرضو حسيت تاني ان في نظرات عليا بصيت على نفس الولد لقيته هو،هو كان اول مره اشوفه ولا الاحظه في الدرس بصراحه، وهو شكلاً فكان حلو اوى صراحه، المهم انا في الاول مهتمتش قولت يمكن بيبص على حد جمبي او ورايا، وفي الحصص اللي بعد كده برضو كنت بلاحظ انه كان بيبص نحيتي وانا كنت كل ما الاحظ انه بيبص كنت ببص برضو، وبعد كده انجذبت ليه واعجبت بيه، بس دا كلو طبعاً من غير ما اكلمه، وفي يوم كنت ماشيه انا وصحابي والجو بيمطر وانا بحب المطر اوي فكانت ابسامتي من ودن لودن واللي زاد انه كان ماشي قدامي وكل شويه يبص لورا ويقف شويه انا قولت اكيد مستني حد وفعلاً كان مستني واحد صاحبه، انا كل اللي همني ساعتها اني كنت بشوف وشه كل ما يلف، انا كنت عارفه مشاعري وان ده مجرد اعجاب عابر ومن بعيد لبعيد لا اكثر،  وفي يوم كنت بصلي دعيت ربنا انه ميعلقش قلبي بحاجه مش ليا ولا هي من نصيبي عشان متعبش واحزن بعد كد( انا دعيت الدعلء ده اكثر من مره وفي كذا يوم بس اليوم دا بذات حسيت انه اتقبل)، المهم  تاني يوم شوفت وشه كان وحش ومش حلو خالص لدرجه اني كنت هتجن ازياي دا شكله حلو ازاااي، فقولت اكيد دي اشاره من ربنا، فحاولت اني اقلل اعجابي بيه بس كان صعب اوي عليا، بعد كدا في نص المراجعه النهائيه كان بيقطع يجي حصه وحصه لاء لحد ما بقاش يجي خالص انا زعلت ساعتها بس عادي وكنت كل حصه ابص اشوفه جه ولا لاء بس مكانش بيجي، وانا والحمد لله كنت عارفه دا مجرد اعجاب والله اعلم يمكن من طرف واحد بس (دا اللي هو انا)، بعد كده لما خلصت امتحانات بفتره كنت عند صحبتي الانتيم (البست فرند) فهي وصفتلي شكل ولد فطلع هو قالتلي تعرفيه قولتلها اه، قالتلي الواد دا انا معجبه بيه وهو شكله معجب بيها،( انا ساعتها كنت هقولها اني كنت معجبه بيه بس هي صدمتني الاول، وانا متكلمتش ومبينتش حاجه)  ف انا قولتلها وعرفتي منين ان هو معجب بيكي قالتلي كان بيفضل يبص عليا في الحصه،(مع العلم انا وهي كنا بقعد جمب بعض معظم الحصص)(وصاحبتي جسمها مليان بس هي شكلها حلو بس مش احلى مني انا وهي نفس المستوي من الجمال يعتبر بس هي مليانه بس) وقالت انها في الاول مكنتش مفكراه بيبص عليها هي اكيد  بيبص على بنت تانيه عشان انا مليانه وفي بنات احلى مني، بس كان كل حصه يبص عليا ومركز معايا، واكتر من مره ابصله وهو يبص ويضحكلي،  وفي مره كان بيقول لإبن عمه بص هي دي (قرأت شفايفه وهو بيتكلم معاه وابن عمه معانا في نفس الدرس) وقالتي برضو على يوم المطر انه كل شويه يلف ويبص عليها. فأكيد دا كله حصل يبقى معجب بيا،(انا ساعتها سكت مكنش عارفه اقول وجسمي تلج فجأه وكنت قعده مسكه دموعي بالعافيه وكان كأن في حاجه جوايا اتكسرت ، وفكرت كويس فعلاً هو كان كل حصه كان بيمشي قدامي اشمعنا اليوم ده بذات اللي كان بيلف كل شويه، ولما صحبتي محضرتش المراجعه النهائيه هو كمان اختفي ومبقاش يحضر، بس برضو فكرت ان كان في حصص مكنتش صحبتي بتحضر وكان بيبص عليا اكتر من مر وطول الحصه يعتبر، وساعات هي كانت بتحضر بس انا وهي مكناش بنقعد جمب بعض وانا كنت ببقى بعيد عنها خالص يعني هي في الاول وانا كنت بروح متأخر فبقعد في الاخر وهو كان بيبص برضو) انا ساعتها احترت وزعلت بس كنت بهون على نفسي واقول دا مجرد اعجاب لا اكثر وعادي هيروح لحالو،. بعد الكلام ده بكام شهر صحبتي رنت عليا قالتلي حزري فزري مين بعتلي فولو على تيك توك قولتلها قالتي ×××××××× قالتي انا كنت قاعده عادي و بفتح التيك توك لقيت حد باعتي فولو بشوف مين ليته هو، قولتلها هو عرف الاكونت بتاعك ازاي قالتلي ما انا حطه البروفايل صوره ليا، بس مسحتها اول ما بعت فولو، قولتلها انتي قبلتي الفولو قالتلي لاء، قولتلها(من باب النصيحه والله) احسن وياريت متقبليهوش عشان هو اكيد هيحاول يكلمك واحنا مش عارفين اخلاقه وغير كدا حرام أصلاً، قالتلي ما انا عارفه واكيد مش هعمل كده، قولتله طب ابعتي اسم الصفه بتاعته عشان اشوفها، قالتلي لاء انتي عيزاها ليه قولتلها عادي هشوفها بس هو انا هعاكسه (مع العلم انا مش عامله حساب تيك توك أصلاً) قالتلي لاء انا ممكن ابعتلك صوره البروفايل بس وانتي ابحثي عنها، بعتت الصوره وانا شوفتها من هنا والطبله اشتغلت في قلبي من هنا، فضلت ادور على الحساب ملقيتهوش وقولتلها قالتي معرفش بس انا مش هديكي اسمه، انا عديت الموضوع ساعتها ومتكلمتش معاها تاني في بصراحه وقولت ادي اشاره ثالثه انه من نصيبي،  بعدها بفتره كنا عند وحده صحبتنا وهيا قالتلها في ولد في درس العربي كذا كذا انتي عرفاه، المهم ومكملتش الكلام عشان مش فكره اي اللي حصل ولهانا في حاجه تانيه واحنا مروحين قولتلها انتي كنتي هتقوليلها قالتلي لاء انا كنت ههزر معاها بس، فقولتها اني كلمتيه ولا لاء قالتلي اكيد لاء، بصراحه انا مصدقتهاش ساعتها بس متكلمتش وقولت هي ادرى بصلحتها بس بعد كده بدأت تحط صورتها علي البروفايلات على كل مواقع التواصل وتغيرها كل شويه بصوره جديده ، وكل شويه تنزل حالات واغاني رومانسيه، انا برضو متكلمتش ولا سألتها، وبرضو كنت بديت انسى الشخص ده وعادي، بس لسا لحد دلوقتي بتمنى اني اشوفه وبدر عليه فيكلمكان بخرج فيه ، حتى لو قالي انه معجب بصحبتي بس على الاقل هستريح وقلبي يبطل اي امل..... 
اسفه اني طولت عليكم... 
بس اتمنى منكم تدعولي براحه القلب وربنا يعوضني خير....

نصيحة خاصة

قم بالتبديل لتلقي النصائح بشكل خاص على منشورك؛ وإلا سيكون مرئيًا للجميع.

Tomato_57658 🇪🇬

منذ 4 أشهر

شعور ضائع

اول يوم في الشغل خدت بالي ان المديره غريبه من ناحيتي ليه بتعاملني حلو اوي كده وبتهزر معايا و بصراحه كنت مرتاح والدنيا جميله بس بعدين اكتشفت انها عايزاني لمهمه تانيه وكانت شبه كل يوم تعرض عليا هي اكبر مني ب 13سنه قعدنا في العربيه لوحدنا في مره وحصل بينا شويه حاجات بس سحبت نفسي بالعقل عشان ميحصلش حا

Coffee_21055 🇪🇬

منذ 4 أشهر

شعور غاضب

موضوع:

اى اكتر حاجة بتكرهها في نفسك؟

اني ما زلت باجي على نفسي وبقلل منها اوي قدام غيري ولازم اجيب اخري العلاقه فعلا عشان أفلت ايدي ببقى زعلانه من الشخص واتعامل عادي ببقى عايزه اخد موقف بس عارفه ان حتى لو خدت الموقف.. ممكن الشخص متحاولش عشاني محتاجه احب نفسي واقدرها

Banana_61920 🇪🇬

منذ 4 أشهر

شعور مرتبك

جماعه انا عندي واحد صاحبي كان عندو مراهقه متاخره هو من النوع اللي تحسوا انه طفل وغلبان اوي مع انه السن بتاعو كبير ف الفتره اللي فاتت كان بيكلم بنات وكان بياخد براي وكده ولما قرب مني وبقينا صحاب اكتر وبيجي عندي لقيتوا قطع علاقتوا بيهم وبقي مثلا لو رايح مشوار يقولي انا عايز اشوفك او ابص الاقيه باعتلي

Popcorn_61948 🇪🇬 الحل انك تواجهه وتقوله ميتعاملش معاك بالاسلوب ده حتي لو علي سبيل الهزار وقوله لو هو دا اسلوبك فاخلاص نقطع مع بعض احسن وشوف هو ردة فعله هتبقي ايه

عرض الكل 25 نصيحة

Sugar_21815 🇪🇬

ليه الدنيا مش سهله وكلنا أحلي بشعرنا وبلبسنا؟

جماعه احنا ليه مش عادي ننزل بشعرنا و نلبس ضيق و قصير و فساتين مفتوحه و نفرد شعرنا ليه مكانتش الشهوه اللي عند الرجاله قليله عشان نقدر نعمل كدا ليه مكانتش الدنيا مفتوحه و نعجب و نحب و نكلم و نعيش قصص حب جميله و نعمل علاقات ليه الدنيا مش سهله دي حاجه انا كنت بتمناها لكن للاسف الناس اللي احنا عايشين معاهم هيعتبرونا سلعه و اداه تسليه و ترفيه و الدين محافظ علينا من كل ده بس ليه احنا كلنا احلي بشعرنا و بلبسنا ليه مينفعش ابقي معجبه بواحد نحب بعض بكل حريه حاسه اني مكتئبه ...عرض المزيد

3 الدعم

29 نصيحة

Tofu_77801 🇪🇬

مش مبسوطة مع جوزى.. هل الطلاق هو الحل؟

انا جوزى حد كويس هو بيقدرنى وبيحترمنى وانا كذالك .. احنا بقالنا اربع سنين متجوزين وفى عشرة كبيرة ما بينا ونوعا ما الدنيا بينا متستقرة ولكن المشكلة انى مش مبسوطة معاه .. ومش بحس ان فيه مشاعر ما بينا يعنى احنا بنعامل بعض كويس وخلاص.. وحياتنا روتينية قاتلة .. ومفيش اى تجديد فيها ..حاولت كتير الاقى حل .. واتكلمت معاه ولكن كل مرة بنرجع لصفر وحاسة انى مش لاقية نفسى معاه وانه غير شخصيتى للطريقة اللى تناسب حياتة ولكن دة مع الوقت بدا يتعبنى ..هل ممكن يكون الحل فى الطلاق؟ ...عرض المزيد

1 الدعم

22 نصيحة

Mushroom_83350 🇪🇬

إزاي نعيش في عالم مقزز كده؟!

كدة هنضيع يعنى الآب ده مفيش حد حقيقى اصلا كله كلام خارج و اباحى ديه عقلية الشباب ولا ايه!!! انا عمرى شفت كدة والله مقولتش بدور على دكتور نفسانى ولا شيخ أو شيخة بس المستوى هنا بشع و مفيش حوار محترم متحضر حصل بينى و بين حد حتى البنات صدموني كل تفكيرهم كدة طيب الناس الى زيى يقفلوا على نفسهم طول العمر مفيش اونلاين بسبب ناس تفكيرها كدة!! مفيش حوار و يبقى ليا دعوة بحد عالم مقزز و بشع لأبعد حد إزاى الى بيتكلموا دول هيبقوا أب أو أم أو يبقوا فى مجال عمل يعنى إزاى دول يبقوا وسط مجتمع و أطفال و صحاب و عيلة إزاى ...عرض المزيد

6 الدعم

21 نصيحة

التجربة أفضل عبر التطبيق

حمّل تطبيق توهيل على هاتفك لتجربة أسرع