بص يا جماعه عايزه اتكلم عن الموضوع كده بحس دايما بوحده طول الوقت بنوته وحيده وسط اخوات ولاد ما عندهاش اصحاب يعني عندي اثنين بس ابتدوا يبعدوا او هم كده كده اصلا بعده فالمهم انا عايزه اقول ايه اني دلوقتي بحاول اعوض وحدتي ف بقيت اصاحب اي حد حرفيا اي حد حتي لو في فرق سن كبير مش مهم المهم عندي اني مشتكيش واطلع شخصيتي الفرفوشه ومبينش اني عندي تعب او وحيده وكده ده المهم عشان اتحب بصوا نبدا من البدايه خالص فلاش باك كده انا لما جيت ملقتش قدامي غير بنت خالتي مكنش فيه غيرها في عيلتي كلها اللي فرق السن اللي مابنا بس ٦شهور هي الاكبر ب٦شهور حرفيا طفولتنا كانت مع بعض بجد مش عايزه ادخل في تفاصيل عشان هي كتيره اوي يعني انا وهي متخنقناش في حياتنا كلها غير مره واحده وكانت علي مانكير اتكسر وكانت خناقه كبيره وصعدنا الامور وساعتها افتكر خالتو قالت لماما بنتك متجيش عندي تاني وماما قالت نفس الكلام😂😂 والله تاني يوم ولا كان في حاجه حصلت بيني وبنها كنا خفاف علي بعض اوي ف المهم كانت احلي ذكرات بجد عشاها واحلي انسانه عرفتها احنا كنا عايشن في محافظة الغردقه وفي نفس العماره كمان بعدها بحكم شغل بابا ف ودانا علي الجيزه بس عمري ما قطعت تواصل معاها لحد ما يجي يوم من الايام فرح اخوها الكبير بالمناسبه اخواتها يعتبر اللي مربيني والعكس بردو بحكم اننا كنا عايشين مع بعض طول الوقت هي تعتبر اختي او اكتر واظن اني كتب بوست السنه اللي فاتت عنها هنا المهم كانت سنه ٢٠٢٢ سافرنا وفرحانين وانا اكتر لاني هيبقي بقالي فتره مشوفتهاش مع انها كانت بتيجي في الاجازات والعكس بردو بس حرفيا مكنتش اقدر اعيش من غير ما اشوفها او حتي اسمع صوتها كانت رووحي بمعني الكلمه المهم سافرنا وجريت عليها واخدنا بعض حضن عمييييق كان اخر حضن 😅 ف بعدها بيوم عملنا الحنه وظقتطنا وفرحنا وجه يوم الفرح ورقصنا وكان يوم جميل اللهم بارك كلنا متجامعين وانا طبعا مع اختي الللي بعشقها وانا متاكده انها كانت بتبادلني نفس الشعور المهم لما سافرت عرفت ان عندها صديقه او بمعني بست فرند نار الغيره بقي،😂 انا: اهه لقيتي غيري خلاص ومعرفش اي هي: بتطلي هبل انتي اختي وحرفيا كانت بتبصلي من فوق لتحت كده اللي هو انتي كويسه يا ايات ولا مالك المهم جت ف قالتلي جمله محفوره في قلبي لحد دلوقتي قالتلي اخوها حطها في مقارنه ما بيني ومابين صديقتها قالتلوا انا اختها وهي صحبتي وقالتلي كده انا كنت هعيط من الفرحه جماعه دي مش عشره يوم ولا اتنين ده عمر حرفيا عمر بعد الفرح بيوم هي تعبت اوي ساعتها احنا كنا بنجهز عشان نرجع الجيزه ف هي تعبت ودخلت المستشفي وقالوا ناه هتعمل عمليه الزايده كنت معاها يا روحي وهي بتاخد المحاليل وبتتوجع جماعه كل ده احنا كنا والله ما عارفه ١٣ سنه ولا ١٤ المهم كنت بشوفها بتتوجع وكنت بموت ماما قالتلي لازم نرجع خلاص وهي لما تخلص هتطمنا عليها مفيش حاجه اعملها غير اني اقول طيب😞 قعدت العب معاها انا وصحبتها ومسبتهاش غير وهي بتضحك ومبسوطه بلمتنا حواليها رجعت الجيزه وااههه تعبانه من ٦سعات سفر نمت صحيت علي سرررييخخخخ ماما مش عارفه تعمل ايه وبتقول انها هتسافر تاني هي وخلاتي اخويا قالي انها دخلت في غيبوبه وجالها مضاعفات من العمليه ونا طول الطريق كنت معاها ومتطنه انها خرجت بالسلامه اناا بجد كنت صاحيه من النوم مقدرتش اقوم اصلا المهم ماما مرضيتش تاخدني معاها وجهزت ماما وسافرت هي وانا هسافر مع اخويا بليل انا كنت طول اليوم بس بعيط وفي حاله صدمه وبدعي ليها جينا علي الساعه ١٠ بليل لقيت بابا بيعيط طب يجدعان في ايه الاكسجين صفر انا بقي اتهبلت واعت ابكي بحرقه ويهدوا فيا وبعدها بشويه قالوا الحمدلله بتتنفس علي الجهاز انتوا عارفين ايه الصعب ان الواحد حاطت امل كل شويه يكون خلاص هي كويسه ويرجع يتوجع وهكذا فاهمين لا مقدرتش استحمل علي الساعه واحده كنت انا واخويا في الباص وسافرنا وصلنا الصبح روحنا المستشفي كنا الصبح تمام طبعا مرضيوش يدخلونا لانها كانت في العنايه المركزه بس فكره ان هي جوه وانا مش بايدي حاجه اعملها ابقي جمبها كان صعب اوي فضلنا مع خالتوا لحد ما خلص معاد الاقعده في المستشفي وبابا اجرلنا بيت نقعد فيه انا وخلاتي وكلنا يعني الساعه تقريبا ٢الفجر خلاص بنزبط نفسنا ننام عشان نروحلها بكره من اول اليوم بإذن الله وقعدنا نضحك ونهون علي بعض ونجيب ونودي وانا كنت ماسكه في الكنبه اللي بتتفرد ننام عليها نا وماما قبل ما تيجي خالتو تنام عليها وهونا علي بعض لسه خلاص بفرد ضهري يا جماعه انا اليوم ده كان عندي امل كبير جدا وكنت متعشمه اوي اوي انها هتقوم يعني كنت مرتاحه وكنت بقول لنفسي هي كده كده قابمه انا متاكده شويه مضاعفات وهتفوق ايلا واسمع سريييخخخخ خالتو في الاوضه جريت عليها قالتلي ماااتتتت ماتتت يا اياتت ماتتت كلهم بقوا يسرخوا ويبكوا ويجرو يلموا الشنط عشان لو هندفنها في الجيزه( مقابر العيله) وانا واقفه مصدومه ومش عارفه اهدي نفسي ايلا ولقتني وقعت علي الارض مش قادره اقف وصرييييخخخخ من القلب اللي يوجععع بقي انا بس بصرخ وامي تقولي قومي يلا هننزل وانا مش قارده افتكر لما ركبت التاكتي الراجل كان فاكر ان روحي بتطلع ميعرفش ان فعلا روحي كانت بتطلع روحنا المستشفي من تاني وكلنا ملمومين والعياط من كل حته وترتيبات عماله تترتب وخالتو ياعيني اغمي عليها كذا مره في الشارع دخلنا المستشفى وواحد ورا التاني بيدخل يودعها ومكنوش عايزني ادخل افتكر خالتوا قالتلي بلاش انتي خليها حلوه في عينك بعد ما سمعتها قالت كدا وايلا لدخل يعني هدخل دخلت لقيتها يا عمري متوفيه علي السرير ومش عايزه اقول تفاصيل اكتر لان شكل الناس المتوفيه بيبقي متغير شويه وتفاصيل كده المهم خاله منهم قعدت تقولي بوسيها قربي منها احضنيها انا مكنتش عايزه اقرب منها عشان مكنش حاطه في دماغي ان في يوم هقرب منها وهي كده بوست راسها وضنتها ووقعت تاني واعت اعيط كان يوم صعب بكل تفاصيله اخدناها عشان الغُسل ماما طبعا كان الصبح يعني احنا اخدناها من المستشفي ونزلنا بيها الجيزه نغسلها وندفنها عقبال ما وصلنا كان الصبح نمت في العربيه من التعب طبعا ماما قالتلي ادخلي ليها عادي وهي بتتغسل بس انا رفضت وقولتلها ما خلاص يعني لو دخلت هتقوم وكنت هاديه اوي من التعب ايلا واشوفها بالكفن وبيحطوها في عربيه الموتي ويلا وجن جنوني من الحرقه والعياط هدوني بصعوبه ونروح نصلي بقي صلينا والرجاله دفنوها كان اصعب يومين عشتهم في حياتي كلها ويوم الدفنه كان يوم ٢٢/٢/٢٠٢٢ يوم مميز جدا جماعه هي كانت في منتهي الجمال بنت جميله حرفيا اجمل بنوته ممكن حد يشوفها كان عندها ضحكه مميزه وعندها غمازات الله يرحمها من كتر ما كنا شله بعض كانوا بيفتكرونا تؤام سابتني وبقينا ٢٠٢٦ انا عندي ١٦ سنه وهي مش معايا بس عمري ما نيتها ولا هنساها وكل يوم من ذكرايتها ولا يوم من وافتها اقدر انساه بعدها بقي الوحده والفراغ اللي اتسبب في بعدها فهمتوني💔

1

7