هما فعلا حبونى؟! طب لو بيحبونى ليه عملوا فيا كدا ؟!!!!!! طب مادام مش بيحبونى بياذونى كدا ليه ما يسيبونى فى حالى ؟!! دايما بيقولوا عليا قاسيه وماعنديش قلب بس هل دا حقيقى هل هما شافونى من الداخل شافوا كمية الوجع والقهر والحزن والهشهشه إلى جوايا ، بيقولوا قادره وعندى لامبالاه فظيعه وبرود طب شوفتوا البركان إلى فى قلبى شوفتيها وانا جوايا تلت أشخاص بيتخانقوا مع بعض وانا ماعرفش أنا مين فيهم ، شوفتى وانا نفسى بيتقطع من كتر العياط شوفتونى وانا بيجيلى تشنجات ، شوفتوا انتو عاملتوا ايه فيا وفى قلبى ، وياريتها من الناس الغريبه دى من اهلى قبلهم دول دمروا حياتى ودمرونى خلونى شخص عملى فى حياتى ما كنت اتمنى اكونه خلونى مشوشه مش عارفه حتى أنا عايزه ايه حتى الاكل بحتار اكل ايه خلونى شخص بكره ، امى بتقول عليا مريضه نفسيه أنا عارفه وعارفه من زمان ونفسى أتعالج بس مش عارفه أقولهم ايه عشان دول عمرهم ما اعترفوا بماشعرى ودايما بيقللوا منها وفضلت اكتم فيها وأكتم وأكتم لحد ما خسرتها نفسى ترجعلى أنا عايزه مشاعرى هاتولى طفولتى إلى خدتوها منى هاتولى قرفى ورغي انا عايزانى ، ابويا بيقول عليا مغروره انا مغروره؟!!!!!! انا انتَ لو تعرف غرورى دا عمل ايه هاتتكسف غرورى دا إلى منعنى انى أكرهك غرورى دا إلى قام بواجبك اصل انتَ شايف ان اكتر حاجه تقدمهالى الفلوس غرورى دا إلى منعنى انى انت* حر غرورى دا منعنى من أمراض كتير فعلا ماقدرتش احمى نفسى كفايه بس حميت نفسى دفنتنى عشان مش تستغلونى دفنتنى عشان ماتوجعوش فيا اتوجعت بس على قد ما اتوجعت هونت علي نفسى كان نفسى انتَ إلى تربينى كان نفسى تكون قريب منى انتَ وماما واخواتى كان نفسى تحبونى كان نفسى يكون ليا اخ ، صحابى ههههههه صحابى لا سورى إلى بيسموا نفسهم صحابى عايزين من امى ايه ليه بتوجعونى كدا ليه ماحدش بيفضلنى ليه ماحدش بيحضنى اه معلش اصل أنا اهلى مش فضلونى ولا حضنونى انتو هاتعملوا كدا ، أنا ماكنتش محتاجه منكو حاجه كل إلى كنت محتجاه حب انكو تحبونى ماعرفتوش تعملوا كدا سيبونى ماتستنزفوش فيا على الفاضى ، أنا اسفه اسفه لنفسى أنا ماقدرتش احميكى اسفه يارب ماقدرتش احافظ على امانتك بس هافضل احميها لحد ماعرف اعالجها اوعدك بس ساعدنى .

4

10