أنا في علاقة مع شخص، ومن البداية ورّاني قد إيه أنا مميزة بالنسبة له وإن وجودي فرق في حياته. حسسني إني قيمة كبيرة عنده، وإنه شايفني مختلفة. لكن في نفس الوقت، اكتشفت إنه لسه متعلق أو على الأقل لسه بيفتكر حياته القديمة بكل تفاصيلها. وبدل ما يكون جاي لي بعد ما تخطاها، لقيته بيعترف إنه لسه مش قادر ينساها. اللي مضايقني بجد مش إنه عنده ماضي – كلنا عندنا – لكن إنه يجيلي وهو لسه مش قادر يسيب الماضي. ساعات بحس إني مش عارفة أنا بالنسباله إيه: هل أنا مجرد بديل؟ مسكّن؟ ولا فعلاً الشخص اللي يستحق يبدأ معاه حياة جديدة؟ أنا محتارة بين إني أدي نفسي فرصة معاه عشان مشاعر حقيقية باينة، وبين إني أحمي نفسي من وجع أكبر لو هو عمره ما هيتخطى اللي فات

0

13