هفضفض معاكم عادي اللي حابب يكتبلي حاجه بدون تجريح ماشي. اللحظه اللي اتفسخت فيها خطوبتي اللي كانت بعد حب كبير على رغم كل اللي قدمته حسيت اني جوايا حاجه كبيره اوي بتتهد واقفه مفيش ولا دمعه بتنزل ، بتكلم طبيعي ، يمكن بضحك كمان ، بس جوايا هزه هدت جوايا حاجه مش عارفه الحقها لاول مره احس اني مليش اثر معقوله اتسابت بالامبالاه دي ؟ معقوله اتسابت عشان حجج فارغه ( شكلي مش عجبه كفايه فجاءه) معقوله ده الشخص اللي استأمنته عليا ولا على أسراري ولا على روحي ؟ حالياً انا كويسه عدى اكتر من 3 شهور بحاول اصلح اللي اتهد جوايا بحاول ارجع ثقتي في نفسي و في اختياراتي بس مش عارفه انا كرهته زي ما بقول ولا بمثل عشان مش قدامي حل تاني مش عارفه هل مكالمه اخوه لامي بعد شهر من الانفصال للاطمئنان مع انهم معبروش حد فينا وقت الإنفصال نفسه ده معناه حاجه ؟ طيب اخوه رن عليا امبارح ليه ؟ طب ليه بنت عمه جابت رقمي الجديد و بعتتلي بعد ما عدى الوقت.. هل ده طبيعي ولا الاعيب نفسيه عشان افضل فاكراه؟ كل فتره يروموا ليا طعم عشان افتكر بس اطمنوا انا مليش اي رده فعل على كل اللي بيحصل ده .. بس اقولكم سر .. من جوايا في حاجه بترتاح مع كل طعم بيترمي منهم ما بيني و ما بينكم بحس أنه ليا أثر عمره ما هيتنسي سلام..

3

19