نفسي أرجع بالزمن وأصلح غلطاتي في العلاقه

Q: زهقت من الحياة والمشاكل.. ومش حاسس بحاجه

طيب الحياه ممله وطويله جداا وحوارتها كتير فيها ناس غنيه فشخ وناس فقيره وناس متوسطه فيها سوشيال ميديا وناس بتنجح فيها فشخ وناس بتنتقد وخلاص وناس بتشجع وناس بتتكلم وناس بتسكت فيها كل حاجه فيها اللي اتعرض لتروما وفيها اللي عنده anxiety واللي عاوز يتعالج واللي بيأذي لانه اتأذى فيها حزن كتير ووجع اكتر وسعاده بتداري الجرح وفرحه بنعدي بيها مراره الحزن الكلام غريب ومش مترتب بس انا زهقت ومليت من كتر المشاكل اللي عند الناس وعندي و انا احب جدا مسيره الحياه بتاعتي تخلص هناا والغريب اني كنت من الناس اللي بتهتم طب والنهايه عذاب ولا جنه ونعيمها بس انا حاليا مش مهتم مش حاسس بحاجه كأني بقول ان العذاب حلال فاا بيس الجلد في الدماغ المريضه دي حلال بس اقدر أقول ان جايز النهايه مش مهمه علشان البدايه مش حقيقيه ولا النيه كانت صادقه وصدق فلان اللي اعرفه لما قال ان الناس بقيت بتكره نفسها فشخ وبتستلذ بأذيتها سميه بقى قلة ثقه او لبسها في الاهل وتربيتهم او سميها هوى نفس او وسوسه او بعد عن الرب مبقتش فارقه وبس كده انا خلصت

Question

في يوم نفسي يتاعد تاني هو مش يوم واحد هي فتره كامله نفسي ارجع بالزمن عشان اظبط كل الغلطات اللي عملتها في الفتره دي عشان الفتره دي هي سبب دمار حياتي دلوقتي وكانت من اجمل الفترات في حياتي .. مش عارف ليه الواحد ممكن يكون عايش حياه مستقره وهاديه مع حد بيحبو ويسيبو لعدة أسباب مشاكل بقا وزهق في العلاقه مفيش تغير وعند علطول بس كان وفي حب متبادل وجو حلو كده بس مكلمتش بسبب تجاوزات كنت خايف اكمل ليحصل بينا علاقه ونـzني ونبوظ كل حاجه كنا قربنا اوي أن يحصل كده بس انا منعت نفسي ونهيت العلاقه بطريقه مش حلوه خالص وحاجه تعيبني وغلط وانا معترف انها غلط وندمان علي الغلط ده ونفسي ارجع واصلح كل حاجه حصلت وارجع العلاقه دي زي ماكانت بس مش عارف ازاي ومخنوق ومضايق جدآ لاني كنت سبب في اذيه واحده حبتني وعملتها مشاكل في بيتها مع اهلها حتي هي حصلها مشاكل نفسيه كتير ومشاكل في دراستها كل ده بسبب اني خوفت عليها وخوفت أننا نوقع ف الحرام واكيد كان الموضوع هيبقي أسواء من كدا بمراحل ف دايما بقول الحمدلله علي قد كده بس برضو أنا مش مرتاح وضميري وجعني اوي مكنتش حابب كل ده يحصل مكنتش حابب اخسرها والوضع يوصل لكده أنا بحبها جدا ومش قادر احب غيرها وقلبي متعلق بيها بطريقه لا توصف وحتي مش قادر ابص لغيرها ومش عارف اعمل اي ارجع العلاقه ازاي أو اتكلم ازاي مليش عين اتكلم في موضوع الرجوع وحتي لو حصل خايف اتقدم رسمي اترفض بسبب المشكله اللي عملتها ف هبقي خسران اكتر مانا خسران وهبقي زودت الطينه بله علي قله فايده وخايف افضل كده مستني فرصه وتضيع مني وساعتها مش هسامح نفسي علي كل حاجه حصلت مني ودماغي مسوحاني وكل يوم بفكر فيها وببص في صورتها وصورنا مع بعض وبفتكر الذكريات الحلوه وليا صاحبي دايما يديني أمل أن علاقتنا ممكن ترجع تاني ونكمل اللي بدأنا مع بعض بما يرضي الله بس مش عارف ده هيحصل ازاي بالذات اننا لسه بندرس بجد الموضوع مرهق ومتعب جدا أنا عاوز حل أو نصيحه أو اي حاجه ممكن اعملها تصلح الدنيا اللي بوظتها دي بسبب غبائي وتصرفي الغلط وتخلي علاقتنا ترجع تاني زي ما كانت واحسن وياريت تدعولي دعوه حلوه من قلبكم واسف علي الاطاله حبيت احكي وافضفص باللي جوايا عشان اريح دماغي شويه من التفكير 
ياريت الي هيرد ع البوست ده يكون كبير وناضج وينصحني ويقول ع حل مناسب ومفيد فضلا عشان تعبت أنا حكيت الموضوع باستفاضه وقولت اغلب التفاصيل المهمه وشكرا ليكم مقدما واسف تاني علي الاطاله