في الايام دي نزلت تطبيق مذكرات كنت منزلاه زمان، وguess what! لقيتني كنت عاملة حساب عليه من ايام 2020، فقررت اتصفح وأشوف النسخة المراهقة مني كانت عاملة ازاي، لقيت جملة من سنة 2021 بتقول اني لقيت نصي التاني وان دي احسن شخص قابلته في حياتي، أنا عقلي قعد يلف ويدور وما افتكرتش مين دي أبدا! فقعدت افتكر صحابي بتوع 2021 كلهم والناس اللي اتعرفت عليهم كلهم وقتها، بس فعلا ما لقيتش حد يستحق جملة زي كدا! فاللي حابة اقوله ان بلاش ندي حد تقييم مسبق، علشان الموضوع هيبقى عبيط لما يديك على قفاك وتيجي تبص تلاقي ان انت اللي حطيته في حتة عالية عن مكانته اصلا، فمقدرش ي adapt، انت اللي انبهرت بأول مواقفه في البدايات فرزعك بالنهايات في وشك لدرجة تخليك مش عارف اصلا انت ازاي حطيته هنا، بل وبعد فترة هتقابله كغريب تاني وهتستخسر ترمي السلام! الكل غريب حتى يستطيع اختراق مساحتك الخاصة برغبتك وشطارته.

9

8