بغيت نكوبيلو الهدرة و نخليه يندم

Question

عرفت واحد صغير عليا بعام بعتلي فانستا قلت خلي نجرب نهدر معاه ايا هدرت معاه 3 أشهر يعني نحكو غير واش جاز فنهارو و فنهاري و حكينا أبال خطرة برك المهم اكتشفت بلي يهدر مع بنات وحدو خرين و يكومونتيولو و حليت كونت طفلة بعتلو اكسبتا و زيد بعثلي ..  المهم انا مراهش غايضني الحال و لا بيسك محبيتوش اصلا مشحاح و ذراري فعقليتو و صامط ههه والله بصح حابة نكوبيلو الهدرة بطريقة نخليه يندم اعطولي كاش نصائح 
😉

Potato_84789 🇩🇿 · Accepted Answer

مدام محبيتيهش اصلا علاه راكي مقلقة روحك بيه و مهبطا نوت اذا ميهمكش امرو كيما راكي تقولي طافي اشعارات و خلي لحلاب ينبح كي لكلب

Biscuit_82616 🇩🇿 · Answer

اخرجيهالو طاي طاي الهدرة في فوجه دوا ايه تقضي لالا تقضي

Chilli_83182 🇩🇿 · Answer

بصح ختي هادي حياتو مالغري يبان دراري بعقليتو بصح تخافي نتي لوكان تبقاي معاه هكا نتي لي تخسري و تهبطي نيفو تاعك 
نصيحة متحلبيهش اجبدي بلعقل و انفيستي في روحك و ڨصري مع لي تضحكي معاهم و لي مايتلعواكش توسويس

Strawberry_84707 🇩🇿 · Answer

لالا منيش معاه خلاص

Strawberry_84707 🇩🇿 · Answer

محبيتوش و مقدرتش نحبو بصح حسيتها طايحة لقيتو خادعني هاذامكان و حبيت نرجعهالو مي دوك خلاص مزدتش هدرت معاه برك كنت نخمم لا نواجهو ولا نخليه هكك مي بون كيما قلت مايستهلش نخمم فيه اصلا

Strawberry_84707 🇩🇿 · Answer

و الله ما يستاهل خلاص منيش حنزيد نريبونديلو هي انا لي غلطت حلبت واحد ذر كنت كارهة حياتي قلت نڤصر برك مي بون مزية محبيتوش