معجب ببنت في الجامعة ومش عارف أتكلم معاها - نصائح ضرورية

Question

سلام عليكم انا داخل تانيه جامعه إن شاء الله وفي بنت معجب بيها من الترم الاول ولسا مكلمتهاش ولا هكلمها لاني عمري معمل كده بغض النظر عن انو حرام هي حالتها مادية كويسة جدا باين عليها علمني احنا حالتنا حلوة برضو بس هي اعلي ، انا مستوايا حلو فالكلية بحاول اكون نفسي وشغال علي نفسي وبطورها علشان بإذن الله ربنا يكرمني لو هي من نصيب بجد انا من الناس اللي بتحب هدفها وعندها طموح ،هي من البنات اللي بتنزل صورها علي السوشيال ميديا بس متفهموش الحته دي غلط هي بتلبس طرحة عادي. ومش بتلبس ضيق  ولو ربنا حققلي حلمي هنصحها واحسن من نفسها بإذن الله  ودايما كنت بشوفها بتجنب الولاد في الكلية فياريت حد ينصحني ويفيدني لان هي دايما فبالي لدرجة اني والله العظيم صحيت بدري شوية بسبب اني حلمت بيها  اني كنا بنتكلم مع بعض بس

Hazelnut_52786 🇪🇬 · Accepted Answer

وعليكم السلام ورحمة الله،
إنت باين عليك محترم وطموح وبتحب تشتغل على نفسك، ودي أول خطوة لأي علاقة محترمة.
طالما لسه في الجامعة ولسه ما فيش تواصل بينكم، خليك مركز في تطوير نفسك وخلي نيتك دايمًا صافية قدام ربنا.
ولو ربنا أراد ودي كانت من نصيبك، هتلاقوا بعض من غير ما تضغط على نفسك ولا تمشي ورا وساوس، وربك كريم

Coffee_58959 🇪🇬 · Answer

بص هقولك انت طور من نفسك وكون نفسك واظعى ربنا فى كل صلاه انها تكون من نصيبك لو وربنا يكرمك وقتها بس اهم حاجه انك متكلمهاش نهائيا غير لما تكون خلاص هتاخد خطوه من ناحيتها بالحلال يعنى دى نصيحه منى ليك وان شاء الله ربنا يكرمك ويوفقك وتكون من نصيبك

Banana_61238 🇪🇬 · Answer

اللهم امين يارب متشكر جدا لنصيحتك

Donut_61191 🇪🇬 · Answer

ف بدايه الاعجاب 
انت بتعجب بالقالب الخارجي ودا شيء طبيعي 
لكن صدقني مترطبتش بحد وانت ف الكليه
الا لو عندك ظروف استثنائيه وهي ان انت جاهز نفسيا وعاطفيا وماديا 
ودا هياثر ع طريقك التعليمي 
لسا الرحله طويله يا وحش 
فكر ف اخر السنين وما تعلقتش روحك طول السنين دي بحد 
ركز ف التطوير واستعد انك تكون ف ظروف متخلكش تترفض

Banana_61238 🇪🇬 · Answer

كلامك في محله بجد شكرا جدا

Donut_61191 🇪🇬 · Answer

بكلمك من تجربه شخصيه ونصيحه من القلب 
العلاقات عادي هتوصل انهت تعرفك وهتحبوا بعض 
لكن الرسميات مختلفه حتي لو بتحبها ف بصراحه 
انت قدام نفسك مليش دعوه حتي باهلها 
ال هيكونوا من حقهم ضمان راحه بنتهم وغيرها من المطالب 
جاهز نفسيا وماديا انك تكون مسؤل ؟
ف ربنا يعينك يا حبيبي وان شاء الله ربي يرزقك بالاصلح والانسب يارب وتخلص كليه وتبقي اشطر حد ف مجالك

Banana_61238 🇪🇬 · Answer

فعلا معاك حق انا الحمدلله عاطفتي مش غلباني وناسي نفسي انا اصلا باصص وناوي اني اكون مرتاح ماديا وشغال علي كده بغض النظر كنت معجب بيها او غيرها لان فعلا زي ماقلت حقهم يضمنو بنتهم فأنا عامل حسابي لكده قبل حساب اروح اكلمها ازاي وقت ما اكون جاهز أن شاءالله وتسلم ياخويا غلي الدعوة الحلوة وربنا يرزقك ويكرمك

Coconut_58539 🇪🇬 · Answer

بص يا عزيزى
نصيحة من حد متجوز ٣٢ سنة
ميتين الموضوع كله دلوقت ، شوف مستقبلك ووطور نفسك رقم ١ دلوقت 
ده اللى لازم يحصل الاول عشان متعانيش

Almond_61333 🇪🇬 · Answer

بكررلك نفس نصيحة  جوز الهند كون نفسك طور من نفسك اقف علي رجلك وقفة رجالة

Olive_61209 🇪🇬 · Answer

الأفضل إنه يدعى ربنا يرزقه باللى فيها الخير له مش بحد معين لأنه ميعرفش ده الخير ليه ولا لا