زوجي يعبد في أهله ويهملني. كيفاه نتعامل معاه؟

Nutella_85125 🇩🇿

منذ 19 ساعة

شعور مكسور القلب

حبيت تعطوني نصائح في موضوع يخصني متزوجة و عندي رجل يعبد في امه و خواتاته عبادة و ما عندو كلمة معاهم لو يقولولو ازعف عليها يزعف يقولولو راضيها يراضيني يقولولو طلق يطلق مع انهم يتظاهرون بالود من جيهتي لاكن في غيابه يديرو عمايلهم و مع اني نحكيلو ما يامنيش يقولي انتي فيك الديفو و ام مشاكل و الله راح نهبل كيفاه نتعامل معاه باش يبقاش هاك

جوزي بيقول كل حاجة لأهلو وانا متخنقة!

جماعة أنا جوزي عندو مشكلة بجد مضايقانط اوييي🙂!! هوا كل يوم بيكلم أهلو و يحكيلهم تفاصيل يومو وكدا واحنا عايشين برا مصر ودي أول مره يبعد عنهم المهم أنا شخص بحب الخصوصية جداً و مش بحب حد يعرف كل حاجة عني وعن تحركاتي و خروجاتي! هوا للأسف كل حاجة بيقولهالهم و روحنا فين و اكلنا ايه الأول مكونتش بضايق و بعدين لقيت الموضوع يخنق بجد لأن انا كمان لما بخرج لوحدي مع صحابي او حاجة ألاقيه بيقولهم برضو!! يعني مش فاهمة هما مالهم بيا بجد؟؟ يقولي انا مبعرفش اكدب او احور عشان لو سألوا عليكي بقول انا تعبت من المووضع دا و هوا مش شايف ان الموضوع يضايق!! قولولي اقنعوا إزاي بجد عشان اتخنقتتت ...عرض المزيد

2 الدعم

20 نصيحة

جوزي بيكلم بنات ومش قادرة اثق فيه..دي آخر فرصه

جوزي بيكلم بنات واحنا لسه متجوزين ..وحتي واحنا مخطوبين..كسىرني وانا كنت حامل ومعرفتش اتصرف غير اني اسامح وأكمل عشان ابني.. دلوقتي أنا ولدت بس حاسه حاجه ناقصه .. مش قادره اثق فيه وبيني وبين نفسي مش عارفه اسامحه..وبشك لسه أنه بيكلم بنات بردو وبيمسح الشات عشان شاكك اني بفتش وراه ..بس حرفيا دي اول وآخر فرصه ليه ..لو اكتشفت صدفه بس أنه بيحصل أنا همشي من غير رجوع .. والله يسامحني علي اختياري لابني اب مش بيتقي ربنا فيه ولا فيا ..ادعولي ربنا يهون عليا ويهديه يارب ...عرض المزيد

2 الدعم

6 نصيحة

جوزي عاجز جنسياً وبش.. أنا مرعوبة من الطلاق

من كتر الحيرة واللغبطة الي جوايا مش عايزة غير ان حد ينصحني اعمل ايه وانا هعمل من غير ما أفكر حتي .. أنا اتجوزت من ٤ سنين وانا كان عندي ٢٢ سنة وجوزي اكبر مني ب ٩ سنين ' مكنش مناسب من ناحية العيلة اوي لكن كانت وظيفته كويسة الي حد ما فا استخرت ربنا وقولت ادي لنفسي فرصة اعرفه كويس لحد ما اتجوزنا ' وبعد الجواز اكتشفت ان عنده عيب او مرض او حالته الجنسيه مش افضل حاجة ' بعد ما قريت وثقفت نفسي عرفت ان الزوج الطبيعي بيبقي الإدخال عنده من ٣د الي ٩د .. أنا جوزي كان بيقعد ٥ ث وبيخلص تماما نصحته يروح لدكتور بعد ٦ شهور من جوازنا تقريبا عشان حاسة ان دا بدأ يأثر علي حياتنا ونفسيتنا بالسلب زي أني أنا ابقي محتجاه معايا او حد يبقي جمبي يطبطب عليا زي اي عروسة ف اول حياتها ومن ناحيته هو كان ينفر ويبعد بشكل مش مباشر زي انه يقضي اغلب يومه برة البيت او عالموبايل او ادام ماتش ' فا حسيت ان حياتي بتتسرق وشبابي ' وبعد سنة بالظبط من جوازي خلفت ولد ' وطبعا اي راجل حتي لو عنده عجز او عيب جنسي يقدر يخلف عادي ** المهم من بعد ما خلفت الراجل دا ضمنني تماما وبدات تظهر حقيقته معايا يتجاهلني ، يعاملني معامله مش لطيفه ، ميحبش وجودي داخل غرفة النوم بحجة ان الولد بيصحي بلليل ، بيتعامل معايا كخادمة فالبيت اشوف كل طلباته ، كلامه معايا بقي قليل ، ولما بيخرجني بحس انه بيعمل معايا كدة غصب عنه ، لو حاولت اخد اي خطوة كويسة ف حياتي يوقفلي فيها وميخليهاش تتم أبدا ، بحس انه بيغير مني او لما بهتم بنفسي شويه او لابسه حلو مثلا يديني كلام ف جنابي من تحت لتحت ، بيوقع بيني وبين اهلي بطريقه ملحوظة جدا ' لدرجة اني لما أقوله سر زي اي زوج وزوجة يروح يفتن لأهلي ويخون الامانه ' برغم اني لما بتكلم معاه بصراحة كدة بتبقي داخل اوضة النوم يعني سر ميصحش أبدا انه يخرج بيننا .. المهم انه شخص غير امين بالمرة + انه مش كريم عليا ولما بيديني فلوس بيعايرني بيها ويفضل فاكرهالي ومش عايزني اطلب منه حاجة واكتفي بالقرشين الي بيطلعولي من شغلي فقط المهم ان عدت الايام وقولت لنفسي يابت عيشي لنفسك ولابنك واهتمي بنفسك وصحتك النفسية ومتشغليش بالك بيه ' فا طبعا ركنت موضوع العلاقة دا علي جنب ومبقتش اطلب خالص فا أصبح الوضع ممكن نكمل شهر واكتر من غير ما يلمسني ' روحت لدكتورة تخسيس ونزلت من وزني ٢٨ ك وروحت الچيم وبقيت مهتميه جدا جدا بأكلي الصحي وتمريناتي واخد فيتاميناتي ف وقتها وأصحي بدري واهتم ببيتي وبأبني ومش بسيب فرض ربنا المهم اني كل يوم بتطور اكتر وببقي احلي وأحسن وشخصيتي اهدي وأجمل وهو علي النقيض وزنه زاد جدا وبقي مهمل ف نفسه ومش بيروح البيت كل يوم قبل ٢ بليل ' وانا انصحه واقوله يا حبيبي خد بالك من أكلك بلاش تاكل بليل اهتمّ بصحتك وهو بردو ميستحملش مني كلمة ويبعد عني تماما لحد آخر فترة قعد شهرين قاطع الفلوس عن البيت مش بيجبلي طلبات خالص وانا كنت مديونة ف جمعية وطلبت منه اكتر من ٥ مرات وهو مش راضي وبتحوج لاهلي وبطل يجيب حاجة لابني والي زاد وغطي انه قطع النت عن البيت ولما اشتكيت حلف بالدين ما في نت هيشتغل فالبيت تاني ' لأنه معاه خط في نت unlimited في نت علي طول بتاع شغله المهم اني تأكدت تماما انه بش بيحبني واتخانقنا مع بعض خناقة كبيرة ومد ايده عليا وخدت ٣ شرايط برشام عشان انهي حياتي او أستغيث لأهلي يخلصوني منه لأنهم رافضين عشان معانا ولد ومن بعد الموضوع دا فات اسبوعين علي خروجي من المستشفى لا اتصل ولا جه ولا سال عن ابنه ولا بعت فلوس وعايش حياته بيخرج وبيتصور وشال من صفحته انه متزوج وشال اسمي وانا طبعا طالبة الطلاق وقررت اني مش هعيش مع البني ادم دا تاني ولا هضيع شبابي معاه بعجزه دا بس مرعوبة من اني أشيل مسؤولية ابني لوحدي وابقي بطولي مرعوبة من الي جاي ومن نظرة الناس مرعوبة من نفسي لاتغير للاوحش مرعوبة من الدنيا ممكن توديني علي فين وهو هيكمل حياته ولا هيشتغل دماغه بيا أنا وابني ملحوظة ** أنا بشهادة الكل جميلة من جوا ومن برةونظيقة جدا وأهلي ناس محترمين وهيعيشوني مرتاحة من الناحية المادية .. انصحوني اعمل ايه واسفة جدا جدا لو طولت عليكم 🤍 ...عرض المزيد

2 الدعم

9 نصيحة