ندمان مكنتش هسيب الظروف تتحكم في حب عمري

Question

من ٦ سنين حبيت بنت وهيا حبتني واتقدمتلها وبعد اقل من سنة تعاملها اتغير معايا ومش عارف للاسف لى وللأسف لظروف خارج ارادتى سيبنا بعض انا وقتها محاولتش اغير الظروف دى لانى شايف انها مبقتش عايزانى ...بعد سنتين خطبت واتجوزت وخلفت بس عايز اقولكم لو رجع بيا الزمن عمري مكنت هسيب الظروف تتحكم فيا لانى دلوقت بندم انى محاولتش ولحد الان بحبها مع انى بحب مراتى بردو وعايشين كويس جدا ...بجد تعبان جدا ودايما بفكر فيها

Popcorn_61948 🇪🇬 · Accepted Answer

فكر في اللي فايدك وحافظ عليه عشان ميروحش منك هو كمان اللي فات مكانش نصيبك عشان كدا راح افتكر دايما ان ربنا كاتبلك الاحسن حتي لو انت مخدتش بالك من ده دلوقتي

Banana_29246 🇪🇬 · Answer

نصيحة من اخ امسح التطبيق دا و حافظ على زوجتك 
حلال انك تتجوز اكتر من واحدة 
بس فكرة انك جمبها و بتفكر ف غيرها لو عرفت ان دا بيحصل علاقتكو هتتغير و مش هتنسى دا ابدا 
حاول على قد ما تقدر متبقاش ال مطالش بلح الشام و لا عنب اليمن

Broccoli_61953 🇪🇬 · Answer

دا والله غصب عنى انا اساسا اللى مقرر ان كل حاجة تنتهى زمان بس حاليا مع كل الذكريات القديمه اللى دايما بفكرها مع اى موقف بيحصل بندم انى عملت كدا ونفسي عالاقل اعرف سبب تغيرها ناحيتى يمكن وقتها ابطل تفكير فيها

Strawberry_59887 🇪🇬 · Answer

الحب القديم صعب يتنسي خصوصا لو حبيت بجد انا فاهمه ده كويس جدا 
بس ربنا كتبلك انك متكملش ورزقك بزوجه تانيه والاحسن والاهم انك بتحبها وعايش كويس 
اللي فات خلاص مبقاش ينفع نفكر فيه عارفه انه غصب عنك بس حاول تعمل ذكريات جديده مع مراتك وتغيرو جو حاول تركز معاها اكتر وتقبل ان الماضي انتهي وان ده قدر وان لو كان ليك نصيب في شيء كنت هتخده لو السما واطبقت علي الارض 
اهم حاجه بلاش اللي فات يعكنن عليك حياتك

Broccoli_61953 🇪🇬 · Answer

بحاول اعمل دا علفكره بس غصب عنى للاسف ...دعواتك

Strawberry_59887 🇪🇬 · Answer

ان شاء الله هتقدر وهتعدي حاول تخرج بردو صدقات بنيه ان ربنا يريح قلبك وان شاء الله بالدعاء كل حاجه هتكون احسن

Broccoli_61953 🇪🇬 · Answer

يارب💕