كان دايما بييجي فبالي فكرة إن أكيد كل البنات كلموا ولاد و مروا ف حياتهم بتجربه او اتنين وكنت مقتنعه بالكلام دا عشان مبينش نفسي غلطانه قدام نفسي ، انا كان دخل حياتي ولدين تقريبا و كانت علاقات محرمه مفيهاش روابط رسميه و كنت مقتنعه ان كل البنات لازم يكون عندهم تجربه ، لحد ما جيت السكن ولقيت بنات صحابي معدوش في حياتهم ب ولا أي حاجه من دي ولا سمحوا ل ولد يكلمهم ، حسيت ب إحساس وحش أوي حقيقي ، مكنتش عايزه ف يوم إني اتساوى بالبنات اللي بيتقال عليها ألقاب مش كويسه بس تقريبا كدا اتساويت بيهم و الموضوع فعلاً مُؤذي . طب هو انا ممكن فعلا ربنا يرزقني بواحد في الحلال يكون عمره ما كلم بنت و يكون شاريني ؟ واحد اكون انا أول حب ف حياته ؟ حاسه اني مستاهلش كدا ، خايفه يكون نصيبي واحد معايا و بيفكر ف واحده تانيه او اكون انا مع واحد و بفكر ف التاني ، انا مرعوبه بجد من الفكره دي وبقيت خايفه من الجواز كان نفسي موصلش للمرحله دي ولا احس إني مكسوره بالشكل دا قدام نفسي ، بس أنا فعلاً ندمانه إني خليت فترة عدم نضجي الكافي توصلني لكدا . هل هقدر ابص لنفسي بصوره كويسه ؟ و هقدر اقدم كل الحب للشخص اللي هيكون من نصيبي من غير تفكير في اللي فات؟ هل اصلا ممكن شخص ممرش بتجارب قبل كدا يختارني؟؟ حقيقي كل دقيقه و التانيه بعرف ليه ربنا حرّم ونهى عن العلاقات المحرمه ، و الندم دلوقت فعلا شديد و كل ثانيه بتعدي بندم فيها ندم عمري .

0

14